नेपाल एसबिआई बैंकद्वारा ३ लाख सहयोग

आदर्श समाज सम्वाददाता
माघ १२, २०८१
SBI

पोखरा । नेपाल एसबिआई बैंक लि. ले सामाजिक उत्तरदायित्व कार्यक्रमअन्तर्गत नदीपुरस्थित नेपाल भारतमैत्री पुस्तकालय सहजरुपमा सञ्चालन गर्न नेपाल भारत मैत्री संघ, कास्कीलाई ३ लाख सहयोग गरेको छ ।

उक्त सहयोग रकम बैंकका गण्डकी प्रदेश प्रमुख मीनबहादुर गुरुङले संघका अध्यक्ष गोपाल धोजुलाई हस्तान्तरण गरेका थिए ।

कार्यक्रममा ले.कर्नल प्रशान्तसिंह बघेल, बैंक तथा संघका अन्य पदाधिकारीहरु समेतको उपस्थिति रहेको थियो । बैंकले शिक्षा क्षेत्रमा यस किसिमको कार्यक्रम समय समयमा गर्दै आएको छ ।

हाल बैंकले १ सय शाखा, २२ एक्सटेन्सन काउण्टर, ७ प्रदेश कार्यालय, १९ शाखारहित बैंकिङ सेवा, १ सय २२ एटिएम र १ कर्पोरेट कार्यालयमार्फत सेवा प्रदान गर्दै आएको जनाएको छ ।

Related News

सम्बन्धित समाचार

hero news full width