पोखरा । बैदाम तामाङ सेवा समाजको आयोजनामा नवौं संस्करणको मिस तामाङ पोखराको ग्राण्ड फिनाले शनिबार हुँदैछ । पोखरा सभागृहमा ११ जना प्रतिस्पर्धी ¥याम्प उत्रिँदैछन् । जसमा आकृति तामाङ, मञ्जिता पाख्रिन, प्रिन्सेस घिसिङ तामाङ, पूर्णिमा थिंङ्ग तामाङ, सुनिता तामाङ, शिशा लामा, सुप्रिया गोले तामाङ, पूर्णिमा लामा, सुमिना तामाङ, जमुना लामा र सोनिका तामाङ रहेको कार्यक्रम संयोजक रोश्मा ब्लोन तामाङले जानकारी दिए ।

विजेताले ताज, ट्रफी, प्रमाणपत्र सहित १ लाख नगद तथा आकर्षक गिफ्ट ह्याम्पर प्राप्त गर्ने संस्थाका अध्यक्ष ज्याक तामाङले बताए । फस्ट रनरअपले ताज, ट्रफी, प्रमाणपत्र सहित नगद ५० हजार रुपैयाँ प्राप्त गर्नेछन् ।

सेकेण्ड रनरअपले ताज, ट्रफी, प्रमाणपत्रसहित नगद ३० हजार रुपैयाँ हात पार्नेछन् । भ्यूअर्स च्वाइसले २० हजार पुरस्कार समेत प्राप्त गर्नेछन् ।

मूल संयोजकमा पूर्व मिस तामाङ पोखरा रोश्मा ब्लोन तामाङ, सह संयोजक रोशिला तामाङ छन् । प्रमुख निर्णायकमा चलचित्र विकास बोर्ड अध्यक्ष दिनेश डिसी, पूर्व मिस नेपाल जेनिशा मोक्तान, गीतकार तीर्थ तामाङ छन् भने चर्चित कलाकार विशाल काल्तान, राजेन्द्र नेपाली लगायतका कलाकारको प्रस्तुति रहने छ । कार्यक्रमबाट बचत रकम पेमा धेछेन्लिङ तामाङ शान्ति गुम्बा सहयोगार्थ खर्च गरिने आयोजकले जनाएको छ ।

सोनाम ल्होसारको अवसरमा आयोजित कार्यक्रमका सहभागीलाई विभिन्न विषयमा तालिमपछि ग्रान्ड फिनाले उतार्न लागिएकाे हाे ।