गण्डकीको हिउँदे अधिवेशन आह्वान

आदर्श समाज सम्वाददाता
माघ ९, २०८१
gandaki-parle

पोखरा । गण्डकी प्रदेश सभाको हिउँदे अधिवेशन २१ माघदेखि बस्ने भएको छ । मंगलबार बसेको मन्त्रिपरिषद्को बैठकले २१ माघ दिउँसो २ बजे संसद् बैठक डाक्न प्रदेश प्रमुखलाई सिफारिस गर्ने निर्णय गरेको प्रवक्ता डा. टकराज गुरुङले जानकारी दिए ।

‘बिजनेस आगामी बैठकले तय गर्छ । अहिले चाहिँ बैठक बोलाउने निर्णय भएको छ,’ उनले भने । मन्त्रिपरिषद् बैठकले गाँजा खेतीलाई मान्यता दिलाउन तयार गरिएको विधेयक संसदमा ‘टेबुल’ गर्ने निर्णय पनि गरेको छ ।

यस्तै, प्रदेश सरकारको आयुर्वेदिक अस्पतालमा कर्मचारी भर्ना गर्ने निर्णय भएको छ । हिउँदे अधिवेशनमा १० वटा हाराहारी विधेयक पास गर्ने तयारी सरकारको छ । संसदमा दलित विधेयक, अपाङ्तासम्बन्धी र युवा परिषद् गठन, गुरुङ र मगर भाषालाई सरकारी कामकाजको भाषामा मान्यता दिने विधेयक लगायतका विधेयक ल्याउन लागिएको सरकारले जनाएको छ ।

२ वटा विधेयक संसदीय समितिमा विचाराधीन छन् । बर्खे अधिवेशन गत ८ असोजमा अन्त्य भएको थियो ।

Related News

सम्बन्धित समाचार

hero news full width