सुलभको बम्पर उपहारमा राहुललाई स्कुटर

आदर्श समाज सम्वाददाता
माघ ५, २०८१
sulav rahul

पोखरा । सुलभ डिपार्टमेन्टल स्टोर्सले संचालन गरेको लक्की ड्रमा लेकसाइडका राहुल थापाले स्कुटर जित्न सफल भएका छन् ।

सुलभ उपभोक्ता सहकारी संस्थाद्वारा सञ्चालित जरेबरस्थित उक्त स्टोर्सले दशैँ–तिहारमा ग्राकलक्षित उपहार योजना ल्याएको थियो । जसमा प्रथम पुरस्कारको रुपमा थापाले स्कुटर प्राप्त गरेका हुन् ।

लक्की ड्र कार्यक्रममा जिल्ला विकास समितिका पूर्व सभापति रमेश भट्टराईले तानेको कुपन नम्बर ४५८७५ ले प्रथम पुरस्कार जितेको हो । जुन थापाको नामको थियो ।

द्वितीय पुरस्कार एलजीको वासिङ मेसिन (कुपन २६१८५) सुमन श्रेष्ठलाई परेको छ । तेस्रो पुरस्कार वभन (कुपन १६२९२) प्रवीण गुरुङलाई परेको छ ।

सान्त्वना पुरस्कार १३ जनाको नाम लक्की ड्रमार्फत छानेको डिपार्टमेन्टलका प्रबन्ध निर्देशक लक्ष्मण बरालले जानकारी दिए । उनीहरुमा प्रितम सुनार, कमला अधिकारी, टप हट स्याण्डविच, प्रमिला बस्नेत, कृष्ण भुजेल, दुनाटपरी रेष्टुरेन्ट, किरन अर्याल, लक्ष्मण बिक, इन्दु पहारी, दिनेश केसी, होटल रक एण्ड नुट, होटल एलिगेन्ट र कृष्ण थापामगर छन् ।

एकैपटक २ हजार रुपैयाँभन्दा बढीको सामान खरिदमा कुपन दिने गरिएको सहकारीका अध्यक्ष गोपीबहादुर भट्टराईले बताए । उनले करिब ४६ हजार कुपनबाट १६ जनालाई पुरस्कृत गरिएको हो ।

१६ वर्षअघि पोखराका पर्यटन व्यवासायीहरुको संयुक्त लगानीमा स्थापना भएको स्टोर्सले होटल, रेस्टुरेन्टलगायतमा तथा दैनिक आवश्यक पर्ने र घरायसी सामग्री सुपथ मूल्यमा बिक्री गर्दै आएको छ ।

Related News

सम्बन्धित समाचार

hero news full width