पोखरा । चर्चित कलाकार अनुप बरालको सक्रियतामा पोखरा–३, नदीपुरमा ‘हंसध्वनि’ नाटकघर निर्माणाधीन छ । निर्माण पूरा नहुँदै सोही नाटकघरमा एक महिनायता ‘सपना डिलक्स कोच’ नाटकको धमाधम रिहर्सल भइरहेको छ ।
इन्द्रेणी थिएटरको छैटौं प्रस्तुति रुपमा रहेको उक्त नाटकका लेखक थियटर अध्यक्ष केदारनाथ पौडेल हुन् भने निर्देशन लक्ष्मण डुम्रेले गरेका छन् ।
यही ११ माघदेखि मञ्चन तयारी गरिएको अध्यक्ष पौडेलले जानकारी दिए । झण्डै १ वर्षअघि लेखेको नाटकमा पोखराबाट काठमाडौं जाने यात्रुबाहक बसमा हुने विभिन्न क्रिया र प्रतिक्रिया समेटिएको उनले बताए । उनले भने, ‘यो मौलिक नाटक हो । एउटा परिवारले सामान्य हिसाबले कसरी गाडी चलाएर जीविकोपार्जन गरिरहेको छ र त्योभित्र कस्ताखालका समस्या छन् भन्नेबारे यथार्थ पस्किने छौं ।’
काठमाडौं जानेक्रममा देखिएका दृष्य मञ्चमा उतार्न लागिएको पौडेलले बताए । सबै मानिस बस चढेर गन्तव्यमा पुगे पनि यसरी गन्तव्यमा पु¥याउने बस र त्यसका कामदारका समस्या के हुन् भन्ने यात्रुले खासै ध्यान नदिने गरेको अवस्थामा नाटकमार्फत बाहिर ल्याउने कोशिस रहेको उनको भनाइ छ ।
मञ्चन हुने दिन नजिकिँदै जाँदा टिम राति अबेरसम्म पनि होमवर्क गरिरहेको छ । सामान्य शैलीमा कथा भन्ने तरिकालाई फरक गर्ने प्रयास गरिएको र गाउँघरमा धेरैले भोगेको बाँदरको आतंकसमेत जोडिएकोले दर्शकलाई मनोरञ्जन मिल्ने निर्माण टिमको विश्वास छ ।
इन्द्रेणी थिएटरको छैटौं प्रस्तुति रुपमा रहेको नाटकमा पोखराबाट काठमाडौं जाने बसका विभिन्न क्रिया र प्रतिक्रिया देख्न पाइने
निर्देशक डुम्रेले नाटक सुन्दर बनाउन कलाकार र नेपथ्यबाट विभिन्न प्रयास भइरहेको बताए । आफूहरूको तर्फबाट शत्प्रतिशत दिने कोशिस गरिरहेको भन्दै दर्शकले नाटक मन पराउने बताए । रात्रिबस चलाउने ड्राइभरको मनोविज्ञान स्टेजमा यात्रासँगै देखाउनुपर्ने भएकाले चुनौती भए पनि राम्रो कोशिस भइरहेको निर्देशक डुम्रेले बताए ।
नाटकमा कपिल शर्मा, विभुप्रसाद भुसाल, दिलप्रसाद गुरुङ, सुमन तिमिल्सिना, विजयराज अधिकारी, रामहरि अधिकारी, उमा पुन, अभिषेक भुसाल, श्रद्धा अधिकारीलगायत कलाकारको अभिनय देख्न पाइनेछ । नाटकमा प्रकाश परिकल्पना तथा मञ्च सजावट उज्ज्वलराज ढकालले गरेका हुन् ।
११–१९ माघसम्म गैह्रापाटनस्थित पोखरा थिएटरको गन्धर्व नाटकघरमा हरेक साँझ ५ बजे नाटक मञ्चन हुनेछ । करिब १ घण्टाको यो नाटक सार्वजनिक बिदाको दिन दिउँसो १ बजे अतिरिक्त शो पनि हुनेछ ।
पोखरा–२२ मा प्रधान कार्यालय रहेको इन्द्रेणी थिएटर नेपाली कलाकारिता नाटकलाई उत्थान गर्ने हेतुले २०७६ सालमा स्थापना भएको हो । थिएटरले स्थापनाकालदेखि ‘घेरो’, ‘धनीरामको गोरु’, ‘आतुरकाल’ र ‘भ्रुण’ नाटक देश–विदेशमा सफलतापूर्वक मञ्चन गरिसकेको छ । यसका अवाला थिएटरले नेपाली कविता, गीत, गजल तथा अन्य कलाका विधाहरुमा पनि काम गरिरहेको छ ।
Related News
सम्बन्धित समाचार
पोखराको फोहोर उठाउने सहमति, माग पूरा गर्न १५ दिनको अल्टिमेटम
जरोटुप्पोमा सम जयन्ती र सम्मान
सराङकोटमा फागुन १४ देखि महायज्ञ हुने
कोटीहोम गोलचक्करमा पोखरा
‘अनन्त यात्रा’ लिएर आए कवि प्रदीप
hero news full width
मुख्य समाचार
वेगनास ताल डुंगा व्यवसायीको गुनासो-मोटरबोट रोकियो, रोजीरोटी खोसियो
ब्ल्याक बुल्स् सेमिफाइनलमा
माघ २९, २०८१नेपालमै बन्यो शक्तिशाली नवग्रह मन्दिर, यस्ता छन् विशेषता
माघ २९, २०८१प्रतिभामा सिमसार बहस गर्दै विद्यार्थी
माघ २८, २०८१सहारा एकेडेमीका ६ खेलाडी ब्रिगेड ब्वाइजमा अनुबन्धित
माघ २८, २०८१थ्रिस्टार सेमिफाइनलमा प्रवेश
माघ २८, २०८१