दिगो ग्रामीण आमा समूह सभा

आदर्श समाज सम्वाददाता
पौष २९, २०८१
digo

पोखरा । कास्कीको अन्नपूर्ण–१, भारतीडाँडा टोलस्थित दिगो ग्रामीण (महिला) आमा समूहको आठौं वार्षिक साधारणसभा भएको छ ।

सभा उद्घाटन गर्दै अन्नपूर्ण १ का अध्यक्ष तुलसीप्रसाद अधिकारीले घरपरिवार तथा समुदायको सरसफाइ एवं वातावरणीय स्वस्थता कायम गर्न आमाहरुको भूमिका महत्वपूर्ण हुने बताए । उनले सामाजिक कार्यमा अग्रसर हुन आमा दिदीबहिनीलाई सुझाव दिँदै महिलाको आर्थिक सशक्तीकरणमा जोड दिए ।

त्यस अवसरमा स्थानीय पार्वती बस्नेत, माया भण्डारी, कृष्णबहादुर कुँवर, कृष्णबहादुर कुँवर, केदारनाथ अधिकारी, एकबहादुर कुँवर, अम्बिका कुँवर, कृष्णबहादुर कुँवरले पनि भनाइ राखे । उनीहरुले महिला सक्षम भएमात्रै समाज हरेक क्षेत्रमा अगाडि बढ्ने विश्वास व्यक्त गर्दै कसैलाई पनि अपहेलना गर्न नहुने स्पष्ट पारे

सभाले अध्यक्ष राधा कुँवर, सचिव राधा अधिकारी तथा कोषाध्यक्ष सावित्रा भुगार्इंद्वारा प्रस्तुत विषयगत प्रतिवेदन छलफलसहित अनुमोदन ग¥यो । त्यस्तै, आगामी वर्षमा महिलाको क्षमता विकास तालिम तथा अध्ययन अवलोकन भ्रमण गर्नेलगायत निर्णय पनि गरेको छ ।

आमा समूह अध्यक्ष राधा कुँवरको अध्यक्षतामा भएको उक्त कार्यक्रम सचिव राधा अधिकारीले संचालन गरिन् ।

Related News

सम्बन्धित समाचार

hero news full width