कोन सहकारी अध्यक्षमा सिग्देल

आदर्श समाज सम्वाददाता
पौष २७, २०८१
KON SAHAKARI

पोखरा । कोन सामुदायिक बचत तथा ऋण सहकारी संस्था पोखरा–१३ को २६ औं वार्षिक साधारण सभा नवौं अधिवेशनबाट संचालक समिति अध्यक्षमा माधवप्रसाद सिग्देल सर्वसम्मत् निर्वाचित भएका छन् ।

उपाध्यक्षमा शान्तकुमार श्रेष्ठ, सचिवमा सुरेन्द्रप्रसाद सिग्देल, कोषाध्यक्षमा जयप्रसाद सापकोटा र सहसचिवमा केदारराज सिग्देल चयन भए । सदस्यमा बजिरमान श्रेष्ठ, शारदा पराजुली, खड्कबहादुर गुरुङ र अम्बिका गुरुङ छन् ।

यसैगरी, लेखा सुपरीवेक्षण समितिमा ज्ञानेन्द्रप्रसाद सिग्देल संयोजकमा चयन भएका छन् भने सदस्यमा इन्द्रप्रसाद भट्टराई र लक्ष्मी गुरुङ रहेको निर्वाचन समिति संयोजक दयाराम गौतमले जानकारी दिए ।

सहकारी रजिष्ट्रारको कार्यालय गण्डकी प्रदेशका रजिष्ट्रार भेषराज रिजालले नियम र कानूनको पालना गरे कुनै पनि सहकारी कमजोर नहुने धारणा व्यक्त गरे ।

सहकारीका अध्यक्ष तीर्थबहादुर बस्नेतको अध्यक्षतामा भएको कार्यक्रममा सहकारीका मानार्थ संरक्षक शरदकान्त सिग्देलले स्थानीयस्तरमा हुने सहकार्य र एकतामा जोड दिँदै २५ वर्ष लामो इतिहासलाई जोगाउन सक्नुपर्ने बताए ।

सभाका रजत स्मारिका विमोचनसमेत भएको थियो । कार्यक्रममा उत्कृष्ट सेयर सदस्य तारामती गुरुङ र विमला गुरुङलाई सम्मान गरिएको थियो ।

कार्यक्रममा उपाध्यक्ष माधवप्रसाद सिग्देलको स्वागत मन्तव्य र सचिव शान्तकुमार श्रेष्ठले संचालन गरे ।

वर्ष उत्कृष्ट तथा १५ वर्ष बढी निरन्तर सेवा गरेका कर्मचारीमा सुपरभाइजर रुपा गुरुङ र वरिष्ठ सहायक मनबहादुर गुरुङलाई खादा, माला, प्रमाणपत्र र मायाको चिनोले पुरस्कृत गरिएको महाप्रबन्धक सुजता हमालले जानकारी दिइन् ।

सभामा तीर्थबहादुर बस्नेतले अध्यक्षको, शान्तकुमार श्रेष्ठले सचिवको, जयप्रसाद सापकोटाले कोषाध्यक्षको र ज्ञानेन्द्रप्रसाद सिग्देलले लेखा सुपरीवेक्षण समितिको प्रतिवेदन प्रस्तुत गरेका थिए ।

सहकारीको सात सिद्धान्त शारदा पराजुलीले वाचन गरेकी थिइन् भने सेयर सदस्यका तर्फबाट किरण केसी र सत्यदेवी खनालले बोलेका थिए ।

सहकारीमा मंसिर मसान्तसम्म १८ करोड ९४ लाख १७ हजार ७ सय रुपैयाँ कुल सेयर पुँजी रहेको जनाइएको छ । तरलता ३१ प्रतिशत रहेको सहकारीका महाप्रबन्धक सुजता हमालले जानकारी दिइन् । शेयर सदस्य ३ हजार ७ सय ९८ जना छन् ।

Related News

सम्बन्धित समाचार

hero news full width