पोखरा । लायन्स क्लब पोखरा अन्नपूर्णको ३८ औं चार्टर नाइट सम्पन्न भएको छ ।

डिष्ट्रिक गभर्नर मिलन थापाले कार्यक्रम उद्घाटन गर्दै सन् १९८७ मा आजाद श्रेष्ठको नेतृत्वमा ३० जना संस्थापक सदस्यहरु मिलेर स्थापना गरेको क्लब एउटा डिष्ट्रिकको भन्दा बढी काम गरी उदाहरणीय बनेको बताइन् । उनले क्लबले विभिन्न विद्यालयमा खानेपानी टंंकी निर्माण, छात्रवृत्ति सहयोग, स्वास्थ्य शिविर, खेलकुद र वातावरण कार्यक्रममा काम गरी एक परिपक्व संस्था भएको बताइन् ।

सो अवसरमा संस्थापक सदस्यहरु आजाद श्रेष्ठ, ध्रुव श्रेष्ठ, सोनाम साङपो, डा. वसन्त ताम्राकार र नारायण बाटाजूलाई दोसल्ला ओढाएर सम्मान गरिएको थियो । यस्तै, क्लब २६ जना पूर्व अध्यक्षलाई पनि सम्मान गरिएको थियो ।

पोखरा उद्योग वाणिज्य संघका अध्यक्ष गोकर्ण कार्कीले लायन्सहरुको पनि लायन्स अन्नपूर्ण लायन्स रहेको सामाजिक कार्यमा अति सशक्त क्लब भएको बताए ।

नेवाः खलः कास्कीका अध्यक्ष अशोक पालिखेले ३८ वर्षदेखि निरन्तर संस्थालाई दिगो रुपमा राख्न सक्षम रहेकोमा केही वर्षदेखि फिष्टेल हस्पिटल र अन्नपूर्ण लायन्ससँग मेघा हेल्थ क्याम्प सहकार्य रहेको बताए ।

संस्थापक अध्यक्ष आजाद श्रेष्ठ पोखरामा तेस्रो क्लबको रुपमा स्थापना भएकोमा आजका दिनसम्म आउँदा प्रत्येक अध्यक्षहरुले क्लबलाई मजबुत बनाएको विचार व्यक्त गरे ।

गण्डकी एरिया चिफ सूर्यप्रसाद बरालले अन्नपूर्ण क्लबको काम अरु लायन्स क्लबले सिको गर्नुपर्ने बताए ।

रिजन चियरपर्सन शवी शेरचनले यो वर्ष अन्नपूर्ण लायन्स क्लबले उत्कृष्ट कार्यले गरेकोले डिष्ट्रिकबाट अवार्ड पाएको बताइन् । लायन्स क्लबका पूर्व अध्यक्ष तथा पोखरा उद्योग बाणिज्य संघका कार्यसमिति सदस्य दुधमान गुरुङले क्लबले शहरमा भन्दा पनि ग्रामीण क्षेत्रमा कार्यक्रम गरेकोमा धन्यवाद दिए ।

क्लब अध्यक्ष गणेश छबिको अध्यक्षतामा भएको कार्यक्रममा प्रथम उपाध्यक्ष ओमप्रसाद सुवेदीले स्वागत मन्तव्य र कार्यक्रम संचालन सचिव प्रकश सुवेदीले गरेका थिए । ध्वजाको अभिभादन द्वितीय उपाध्यक्ष दुर्गा जोजिजूबाट भयो ।