पोखरा । गण्डकी प्रदेश कबड्डी संघको अध्यक्षमा पवनकुमार प्रजापति पुनः अध्यक्षमा निर्वाचित भएका छन् ।

संस्थाको शुक्रबार प्रदेश खेलकुद परिषद् गण्डकीको सभाहलमा भएको अधिवेशनले प्रजापतिको अध्यक्षमा नयाँ कार्यसमिति निर्वाचित गरेको हो । उनी पोखरा उद्योग वाणिज्य संघका निवर्तमान अध्यक्ष समेत हुन् ।

कार्यसमिति उपाध्यक्षमा कृष्णप्रसाद पाण्डे, महासचिव हरि जिसी, सचिव रवीन्द्र खाती क्षेत्री र कोषाध्यक्ष बिन्दु थापामगर चयन भए ।

सदस्यमा बुद्धिमाया खप्तडी मगर, विज्ञान नेपाली, कुमार श्रेष्ठ, हरि सिग्देल, बुद्ध थापा, ओमप्रकाश पाठक र प्रिया खाती छन् ।

रिक्त उपाधयक्ष र ३ सदस्य कार्यसमितिको सिफारिसमा प्रदेश खेलकुद परिषद्ले मनोनयन गर्नेछ ।

परिषद्का बोर्ड सदस्य केशव पाठक संयोजक रहेको निर्वाचन समितिले नयाँ कार्यसमिति चयन गरेको हो ।