पोखरा । कास्की आदर्श सेवा समाज, अन्तर्राष्ट्रिय समन्वय परिषदको चौंथो महाधिवेशबाट शिव बानियाँ अध्यक्षमा निर्वाचित भएका छन् । कास्कीको सराङकोटका बानियाँ हाल अमेरिकाको न्यूयोर्क बस्दै आएका छन् । उनी यसअघि उपाध्यक्ष थिए ।

संस्थाको हालै सम्पन्न महाधिवेशनबाट उनको अध्यक्षतामा आगामी २ वर्षका लागि नयाँ कार्यसमिति निर्वाचित गरिएको हो ।

वरिष्ठ उपाध्यक्षमा विशाल ढुंगाना (हाल स्पेन निवासी), उपाध्यक्षमा डा. प्रदीप अधिकारी (दक्षिण कोरिया), सन्तोष तिमिल्सिना (नेपाल) र विकास शाही (युएई) छन् ।

महिला उपाध्यक्षमा शान्तिदेवी अधिकारी (मकाउ), महासचिवमा केदार कुँवर (युएई), उपमहासचिवमा इन्द्रकमल राजभाट (बेल्जियम) र सचिवमा मोहनराज गौतम (स्पेन) र राजेश सुवेदी (कोरिया)लाई चयन भए । कोषाध्यक्षमा विकास अधिकारी (नेपाल), सहकोषाध्यक्षमा दीपक थापा (अमेरिका), महिला संयोजकमा कान्ति अधिकारी (बेल्जियम), महिला उपसंयोजकमा बिन्दु गौतम (पोर्चुगल) छन् ।

यस्तै, मध्यपूर्व संयोजकमा नवीन पौडेल (कतार), पूर्वी एशिया संयोजकमा विश्व सुवेदी (जापान), युरोप संयोजकमा राजेन्द्र गौतम (बेल्जियम), अमेरिका संयोजकमा सूर्यमोहन तिवारी र केन्द्रीय सदस्यमा दक्षिण कोरिया निवासी पुष्पराज भण्डारी छन् ।

अध्यक्ष, वरिष्ठ उपाध्यक्ष, ३ उपाध्यक्ष, उपमहासचिव मतदान प्रक्रियाबाट निर्वाचित भएकामा अन्य पदमा सर्वसम्मत जुटेको हो ।

यसैबीच, संस्थाका नवनिर्वाचित अध्यक्ष बानियाँले संस्थाले कास्की जिल्लाबाट विभिन्न मुलुकमा पुगेका नागरिकको पहिचान गर्ने र उनीहरुलाई कुनै समस्या परेमा सहयोग गर्ने काम गर्दै आएको जानकारी दिए । उनका अनुसार यो संस्था करिब २० मुलुकमा सम्बन्धित मुलुकको नियम कानूनअनुसार दर्ता भएर सम्बन्धित देशमा विभिन्न काम गर्दै आएको छ ।

कास्कीमा शिक्षा, स्वास्थ्य, दैवीविपत्तिलगायत असहाय र अशक्तका लागि समेत विभिन्न सहयोग गर्ने काम गर्दै आएको संस्थाका पूर्व प्रवक्ता एवं नवनिर्वाचति उपाध्यक्ष सन्तोष तिमिल्सिनाले बताए ।

‘विश्वभरि छरिएका कस्केली खोजी अभियान, समृद्ध जन्मथलो हाम्रो स्वाभिमान’ भन्ने मूलमन्त्रका साथ सन् २०१७ अक्टोबरमा उक्त संस्था स्थापना भएको हो । जुन कास्कीबाट विभिन्न मुलुकमा पुगेर विभिन्न पेसा र व्यवसायमा संलग्नहरुको एकमात्र साझा सामाजिक संस्था हो ।

संस्थापक अध्यक्ष पूर्ण तिमिल्सिना हुन् । त्यसपछि क्रमशः गोविन्द पौडेल र सीता बरालले नेतृत्व सम्हालेका थिए ।