पोखरा । नेपाल पत्रकार महासंघ तनहुँमा धनपति अधिकारी (डिपी) निर्वाचित भएका छन् । निर्वाचित अधिकारीले कुल खसेको मतको ३३ मत प्राप्त गरेका हुन् । उनका प्रत्यासी नारायण खड्काले ११ मत ल्याए। डिपी प्रेस युनियन र प्रेस चौतारीका साझा उम्मेदवार थिए । चुनावमा सोही गठबन्धनको प्यानल नै निर्वाचित भयो ।

उपाध्यक्षमा प्रताप राना निर्वाचित भए । उनले ३० मत ल्याए । उनका प्रत्यासी सानेबहादुर नेपालीको ११ मत परेको छ । महिला उपाध्यक्षमा सम्झना निर्विरोध भइन् ।

सचिवमा कृष्णचन्द्र न्यौपाने २६ मत ल्याउँदै निर्वाचित हुँदा उनका प्रत्यासी अस्मिता खनालले १६ मत ल्याइन् ।

सहसचिवमा ऋषिकान्त दुवाडी निर्वाचित भए । उनले ३० मत ल्याए भने प्रत्यासी विनोद ढुंगानाले १३ मत ल्याए ।

समावेशी सहसचिवमा किरण श्रेष्ठ र कोषाध्यक्षमा पूर्ण बिके निर्विरोध भए ।

सदस्यमा खुलामा क्रमशः विकास खनाल, विष्णु गौतम, उपेन्द्र खनाल र राजेश्वर हडखले निर्वाचित भए ।

महिला सदस्यमा सुनिता आचार्य, आदिवासी जनजाति सदस्य चित्र सोल्टी, समावेशी अन्यमा आदर्श समाजकर्मी रामशरण नेपाली, दलित सदस्य मुना कालीराज विश्वकर्मा निर्विरोध भए ।