पोखरा । लटरम्म फलेका रुद्राक्षको बोट । हातले टिपेका अम्बा र एभोकार्डोको स्वाद । रंगिचंगी फूल, चराचुरुंगीका आवाज । प्रकृतिप्रेमी पर्यटकलक्षित गर्दै पोखरा लेकसाइडमा सुरु बसुन्धरा रिसोर्टको वातावरण हो यो ।

बिहीबार शुभसाइतमा पञ्चकन्याले रिसोर्टको उद्घाटन गरे । रिसोर्टभित्र महत्वपूर्ण आयुर्वेदिक बोटहरु अमला, बेलपत्र, तुलसी लगायत सुसज्जीत छन् । त्यसैगरी, एभोकार्डो, लिची, आँप, रुखकटहर लगायतका फलफूल बगैंचा यहाँको अर्को आकर्षण हो ।

एसी, टिभी जडित, उज्जालो, पारिलो, फराकिलो सफा सुविधायुक्त कोठाहरु, कोठाबाट देखिने हरियाली वातावरण, आँखै अगाडी हिमाल । यी सबैले यहाँ आउने पाहुनालाई मन्त्रमुग्ध पार्नेछ ।

फेवातालबाट झण्डै २ सय मिटर दुरीमा अवस्थित रिसोर्टले पाहुनाका लागि स्वास्थ्यवद्र्धक खाना पस्किने गर्दछ । विदेशीसँगै नेपाली परम्परागत भोजनलाई रिसोर्टले जोड दिएको छ । ‘कोदो, फापर, मकैलगायत परिकारलाई हामीले महत्व दिएका छौं–रिसोर्टका सञ्चालक सन्तोष पोखरेलले बताए ।

स्वच्छ शान्त बगैँचामा बिहानको योगादेखि फाष्ट इन्टरनेट जडित रिसोर्ट परिषरबाट आफ्नै ल्यापटपमार्फत दिउँसोको काम समेत सम्पादन गर्न सकिन्छ । २५ वर्षदेखि पर्यटन क्षेत्रमा लागेका अनुभवी व्यवसायी पोखरेलले यो रिसोर्टमा आफ्नो अनुभवको पूर्ण सदुपयोग गरेका छन् । रिसोर्टले ३ महिनासम्म २० प्रतिशत छुट दिने पोखरेलले बताए ।