पोखरा । इलेक्ट्रिक गाडी कम्पनी लीपमोटरले प्रिमियम लीपमोटर सि१० पोखरामा सार्वजनिक गरिएको छ ।

प्रिमियम सेगमेन्टको विद्युतीय गाडी पोखरा तथा आसपासका ग्राहकलाई उपब्ध गराउने गरी यहाँको आधिकारिक बिक्रेता एस.एस.एल. मोटर्स कम्पनी प्रालिले सि१० गाडी पोखरामा भित्राएको हो ।

बुधबार पोखरामा आयोजित समारोहमा गाडी सार्वजनिक गरिएको हो । सो अवसरमा पाँच जना ग्राहकलाई लीपमोटर सि१० गाडीको चाबी हस्तान्तरण गरिएको छ ।

हाल अमरसिंहचोक पोखरामा रहेको एस.एस.एल. मोटर्स कम्पनीले छिट्टै लीपमोटर र सीट्रोनको नयाँ शोरुम चाउथेमा सुरुवात गर्ने तयारी गरेको जनाएको छ ।

लीपमोटरले आधुनिक प्रविधिलाई आकर्षक डिजाइनसँग समायोजन गरेर वातावरणमैत्री र सुविधायुक्त गाडी बजारमा ल्याएको छ । प्रिमियम सेगमेन्टमा राम्रो गाडी रोज्ने ग्राहकका लागि यो गाडी उपयुक्त हुने कम्पनीले विश्वास लिएको छ ।

लीप मोटरका लागि नेपालको आधिकारिक बिक्रेता सांग्रिला मोटर्स हो । सांग्रिला मोटर्स प्रालि प्रतिष्ठित गोल्छा अर्गनाइजेसनसँग आबद्ध छ । यो कम्पनी २०१७ देखि प्युजो, २०२१ देखि सिट्रोन र हाल लिपमोटरको एकमात्र आधिकारिक आयातकर्ता रहँदै आएको छ ।