पोखरा । सापकोटा कल्याण केन्द्र, कास्कीको आठौं साधारण सभा हेमजामा शनिबार सम्पन्न भएको छ । साधारणसभाको सापकोटा कल्याण केन्द्रका सभापति डा. कविन्द्र सापकोटाले उद्घाटन गरे ।

कार्यक्रममा सापकोटा कल्याण केन्द्र गण्डकीका संयोजक बुद्धिसागर सापकोटा, गण्डकी सचिव टीकाराम सापकोटा, कास्कीका संस्थापक अध्यक्ष ऋषिराम सापकोटा, मादी गाउँपालिका ४ का अध्यक्ष शिवप्रसाद सापकोटा, पोखरा १४ का वडा सदस्य गोपाल सापकोटा, तारकाङ पोखरा सम्पर्क समाजका अध्यक्ष बलराम सापकोटा, सापकोटा कुल मन्दिर समितिका अध्यक्ष झपटबहादुर सापकोटा लगायतले संस्थाले आर्थिक उन्नति र व्यक्तित्व विकासका क्षेत्रमा काम गर्नुपर्नेमा जोड दिए ।

यसैबीच, ८४ वर्ष काटेका ३ जना ज्येष्ठ सदस्यहरूलाई सम्मान गरिएको छ । कल्याण केन्द्रका आजीवन सदस्यहरूलाई सदस्यताको प्रमाणपत्र कार्यक्रमबीच वितरण गरिएको थियो ।

केन्द्रका अध्यक्ष यमनाथ सापकोटाको अध्यक्षतामा भएको कार्यक्रममा उपसभापति सभा तयारी समिति संयोजक सत्यराज सापकोटाले स्वागत गरेका थिए । सभाले कोषाध्यक्ष कोपिला सापकोटा र अध्यक्ष यमनाथ सापकोटाले प्रस्तुत गरेको प्रतिवेदन सर्वसम्मत पारित गरेको छ ।

सभापश्चात् भूगोलका आधारमा १० जना केन्द्रीय प्रतिनिधि सर्वसम्मत चयन भए । मादी गाउँपालिकाबाट टंकप्रसाद सापकोटा, बुद्धिसागर सापकोटा, छविकान्त सापकोटा र कल्पना सापकोटा चयन भए ।

हेमजाबाट जिल्ला सल्लाहकार मनोरथ सापकोटा, अरूणबहादुर सापकोटा र सुरेश सापकोटा छन् । अन्नपूर्णका नन्दकली सापकोटा, रूपा÷खुदीबाट नवराज सापकोटा र बद्रीका सापकोटा छन् । रिक्त ३ जना जिल्ला प्रतिनिधि पछि चयन गरिने सभा तयारी समिति संयिजक सत्यराज आपकोटाले जानकारी दिए । उनका अनुसार जिल्ला समितिमा १ सय ३० जना आजीवन सदस्य छन् ।