पोखरा । पोखरा हार्डवयर एसोसिएसन, कास्कीको शनिबार सम्पन्न ३१ औं साधारणसभा तथा १६ औं अधिवेशनबाट अर्जुनबहादुर थापा अध्यक्षमा निर्वाचित भएका छन् ।

कार्यसमिति उपाध्यक्षमा अमरबहादुर केसी र चन्द्रप्रसाद अधिकारी, महासचिवमा प्रतापराज पौडेल, सचिवमा रामेश्वर आचार्य, कोषाध्यक्षमा मनोजकुमार अधिकारी निर्वाचित भए । सदस्यमा बलबहादुर कुँवर, सुलोष कुँवर, दीपक पौडेल, विनोद केसी र हेमराज लम्साल छन् । सदस्यमा शिवराज बास्तोला र महादेव गिरी मनोनीत भए ।

यसअघि, साधारणसभाको उद्घाटन गर्दै पोखरा उद्योग वाणिज्य संघका अध्यक्ष गोकर्ण कार्कीले व्यवसायीहरुमा परेका समस्या समाधानमा आफू चिन्तित भएको बताए ।

पोखरा ९ का वडा अध्यक्ष दीपेन्द्र मर्सानीले पोखरामा कोसेलीघर निर्माण गर्न लागिएको जनाए ।

पोखरा उद्योग वाणिज्य संघका महासचिव सुदीप प्रधानाङ्गले हार्डवयर व्यवसायीहरुलाई परेका समस्या समाधानमा संघ प्रयासरत रहेको बताए ।

संस्थाका अध्यक्ष पृथ्वीराज तिमिल्सिनाको अध्यक्षतामा भएको कार्यक्रमको महासचिव कृष्णप्रसाद कोइरालाले सञ्चालन गरेका थिए ।