पोखरा । नेपाली विद्युतीय सवारीसाधनको वितरक सिजी मोटर्सले चिनियाँ अटोमोबाइल ब्रान्ड एक्सपेङको पोखरामा लञ्च गरेको छ । पोखराको लागि आधिकारिता बिक्रेता अटोवेज प्रालिले पहिलो चरणका ग्राहकलाई ५ वटा जि६ एसयुभी हस्तान्तरणसमेत गरेको छ ।

अटोवेज प्रालिका अध्यक्ष नारायणप्रसाद पौडेलले कार्यक्रममा एक्स्पेङ ब्रान्डबारे जानकारी दिए । सिजी मोटर्सका सिइओ/निर्देशक हेमन्त अग्रवालले सिजी मोटर्सका उपलब्धि र अटोवेजसँगको सहकार्यको चर्चा गर्नुका साथै भविष्यका योजनाहरू प्रस्तुत गरे ।

कार्यक्रममा एक्सपेङको जि६ मोडल प्रस्तुत गरिएको थियो, जसले स्मार्ट प्रविधि र दिगो डिजाइनमा जोड दिएको छ । जि६ ले विश्वकै उच्च सुरक्षा परीक्षण इ–एन्कयाप मा ५–स्टार रेटिङ प्राप्त गरेको छ ।

यसले स्वचालित ड्राइभिङ प्रविधि, सेपा २.० संरचना, नियमित ओटिए अपडेट, एक्ओएस अपरेटिङ सिस्टम, र ८०० भी सुपर–फास्ट चार्जिङ सुविधा प्रदान गर्ने कम्पनीको दाबी छ ।

जि६ को मोटरपावर १९० केडब्लु र टर्क ४४० एनएम छ, जसले ६६ केडब्लुएच ब्याट्री प्याकसहित ४३५ किलोमिटरको रेन्ज दिने जनाइएको छ । अगाडिको र पछाडिको एक्सलमा ५०ः५० तौल वितरण, समग्र स्पोर्टी प्रदर्शनका लागि एल्युमिनियम डाइ–कास्ट बडी, र ९–आयामीय ब्याट्री सुरक्षासहितको संरचना जडित छ, जसले जि–६ लाई विशिष्ट बनाउने यसको विशेषता हो ।

सिजी मोटर्सले काठमाडौंको बागडोलमा आफ्नो अत्याधुनिक सेवा केन्द्र उद्घाटन गरेको जनाएको छ ।