पोखरा । कृष्णबहादुर केसीको अध्यक्षतामा नेपाल विद्यालय खेलकुद महासंघ कास्की गठन गरिएको छ ।

प्याब्सन केन्द्रीय उपाध्यक्ष केसी पोखरा पब्लिक स्कुलका संस्थापक हुन् । उनको अध्यक्षतामा १२ सदस्यीय जिल्ला महासंघ गठन गरिएको हो ।

उपाध्यक्षमा शिवप्रसाद भण्डारी (वाराही मावि), सचिवमा डा. टेकनारायण पौडेल (हिमालयन बोर्डिङ स्कुल), कोषाध्यक्षमा शर्मिला पौडेल पोख्रेल (एसओएस हर्मन माइनर) चयन भएका छन् । सदस्यमा हेमन्त अधिकारी, राजेश गुरुङ, आनन्दराज अधिकारी, कृष्णप्रसाद सापकोटा, विग्नेश थापा, मनबहादुर कुँवर, मनकाजी गुरुङ र चिनबहादुर रानाभाट चयन भएको जिल्ला खेलकुद विकास समिति कास्की अध्यक्ष तोरणबहादुर बानियाँले जानकारी दिए ।

महासंघमा सामुदायिक विद्यालय तथा संस्थागत विद्यालयका सबै संस्थाहरुलाई महासंघमा समेटिएको अध्यक्ष केसीले बताए ।

नेपाल विद्यालय खेलकुद महासंघको साधारणसभा तथा निर्वाचनका लागि कास्कीबाट जिल्ला अध्यक्ष कृष्ण केसीलाई प्रतिनिधिरुपमा सफिारिससमेत गरिएको छ । जिल्ला खेलकुद विकास समिति रोहवरमा शुक्रबार भएको भेलाले जिल्ला कार्यसमिति चयन र केन्द्रीय प्रतिनिधि चयन गरेको हो ।