पोखरा । कास्कीको अन्नपूर्ण–७, तोल्कास्थित हिमालय माध्यमिक विद्यालयमा शुक्रबार बसेको अभिभावक भेलाले श्यामप्रसाद गुरुङको अध्यक्षतामा ९ सदस्यीय व्यवस्थापन समिति गठन गरेको छ ।

शैक्षिक सत्र–२०८१ मा विद्यालयमा अध्ययनरत कक्षा इसिडीदेखि कक्षा १० सम्मका अभिभावक, विद्यालयका शिक्षक, कर्मचारी र सरोकारवालाको संयुक्त भेलाले नयाँ समिति गठन गरेको हो ।

भेलाले मनबहादुर थापाको अध्यक्षतामा ११ सदस्यीय शिक्षक अभिभावक संघ पनि सर्वसम्मत रुपमा चयन गरेको प्रधानाध्यापक शरद् सुवेदीले जानकारी दिए ।

पालिका प्रवक्तासमेत रहेका वडाध्यक्ष भरतमान् गुरुङले सामुदायिक विद्यालयको पक्षमा पालिका रहेको सुनाउँदै शिक्षाको गुणस्तरलाई ध्यान दिन सुझाव दिए ।

विद्यालयका अध्यक्ष केशवराज दुराको अध्यक्षतामा भएको उक्त कार्यक्रममा शिक्षक कोपिला भण्डारीले स्वागत, प्रधानाध्यापक सुवेदीले कार्यक्रमको औचित्यमाथि प्रकाश एवम् शिक्षकद्वय डिल्लीराम दाहाल र प्रेमसिंह महराले कार्यक्रम संचालन गरे ।