पोखरा । पोखरा–७, मासबारस्थित डिज्नील्याण्ड एकेडेमीको १८औं वार्षिकोत्सव, अभिभावक दिवस तथा पुरस्कार वितरण समारोह सम्पन्न भएको छ ।

शनिबार पोखरा सभागृहमा आयोजित उक्त समारोहमा विभिन्न विधामा सम्मानसमेत गरियो । सम्मानित हुनेमा एसइई–२०८० मा ४ जिपिए ल्याउने स्मृति लम्साल, सृष्टि भण्डारी र सृष्टिना पौडेल छन् ।

त्यस्तै, ४ जिपिए ल्याउन सहयोग पु¥याउने विषय शिक्षकहरु अभिशेक कुँवर, दीपक पोखरेल, दीपेश बराल, शर्मिला घले, प्रेम गिरी र हरि शर्मा पनि सम्मानित भए ।

१० वर्ष कार्यरत् शिक्षक–कर्मचारीतर्फ जमुना भट्टराई, गीता चौधरी र शोभा अधिकारी, ७५ वर्षमाथिमा १५ जना ज्येष्ठ अभिभावक तथा इञ्जिनियर बन्न सफल ३ जना पूर्व विद्यार्थीलाई पनि विद्यालयले सम्मान ग¥यो । विद्यालयबाट प्रत्येक वर्ष दिँदै आएको डिज्नी रत्न–२०८० सम्मान असल अभिभावक, भजन मण्डली, विभिन्न लय, भाका, झ्याउरेलगायत विभिन्न विधामा आफ्नो उत्कृष्ट प्रस्तुति गर्नेलाई सम्मान गरिएको हो ।

शिक्षा विकास तथा समन्वय इकाइ कास्की प्रमुख लोकनाथ आचार्यले व्यावहारिक शिक्षामा जोड दिँदै जीवनलाई समृद्धि बनाउन पठनपाठन अलावा अतिरिक्त क्रियाकलापतर्फ पनि ध्यान दिनुपर्ने उल्लेख गरे ।

पछिल्लो समय अभिभावकमा मोबाइले लत बस्दा त्यसको प्रत्यक्ष असर बालबच्चामा परेको भन्दै आचार्यले लगनशील भएर अध्ययनमा जुट्न विद्यार्थीलाई सुझाव दिए ।

प्याब्सन केन्द्रीय उपाध्यक्ष कृष्ण केसीले डिज्नील्याण्डले गरेको प्रगति जिल्लाकै नमुना भएको भनाइ राख्दै त्यसलाई बचाइराख्न शुभेक्षा व्यक्त गरे ।

प्याब्सन कास्की अध्यक्ष मथुराप्रसाद पौडेलले व्यावहारिक शिक्षाबाट मात्रै जीवनयापन गर्न सकिने धारणा राखे ।

त्यस अवसरमा अभिभावक सञ्जय सुवेदी, प्रधानाध्यापक नरेशप्रसाद बराल, निर्देशक मित्रबन्धु बराललगायतले बोलेका थिए । कार्यक्रमबीच राष्ट्रिय कलाकार पुरुषोत्तम न्यौपाने, विद्यार्थी, शिक्षक लगायतले विभिन्न प्रस्तुति राखे । कक्षा नर्सरीदेखि ८ सम्मका भाइबहिनीहरूले विभिन्न लोक तथा बाल गीतहरूमा आफ्ना कलात्मक नृत्य प्रदर्शन गरेका थिए ।

विद्यालय व्यवस्थापन समिति अध्यक्ष विश्वेश्वरप्रसाद पराजुलीको अध्यक्षतामा भएको उक्त कार्यक्रममा निर्देशक बरालले स्वागत तथा शिक्षकहरु प्रेम गिरी, अनुषा शर्मा र सशील नेपालीले संयुक्त रुपमा कार्यक्रम संचालन गरे ।