पोखरा । हरिहर गुफा सन्यास आश्रम, भलाममा यही १५ मंसिरमा बृहत् बालाचतुर्दशी (सद्बिज छर्ने) मेला हुने भएको छ । ऐतिहासक तपोभूमि उक्त आश्रममा हुने मेला भव्यरुपमा सम्पन्न गर्न विभिन्न उपसमितिसमेत गठन गरिएको छ ।

‘हरिहर गुफा सन्यास आश्रम पोखरा–२,० भलाम जाऔं, सद्विज छरेर पितृ उद्धार गरौं’ भन्ने मूलनारा मेला हुन लागेको हो । सो कार्यक्रममा सम्पूर्ण भक्तजन महानुभावलाई सन्यास आश्रम भलामले हार्दिक निम्तासमेत गरेको छ ।

आश्रममा कास्कीसहित छिमेकी तनहुँ, पर्वत, बागलुङ, लमजुङ, स्याङ्जा, चितवनबाट समेत भक्तजनको सद्बिज छर्न आउने गर्दछन् ।

मेलाको दिन विभिन्न ठाउँबाट सार्वजनिक यातायात समेत संचालन हुनेछन् । रानीपौवा–नारायणस्थान पुल छेउ हुँदै फूलबारी ११, केआइसिंह पुल हुँदै मातृशिशु अस्पताल बाटुलेचौरबाट यातायात सेवा दिइनेछ ।