पोखरा । स्टेप वाई स्टेप माविको चालु शैक्षिक सत्र २०८१ को वार्षिक खेलकुद प्रतियोगिता शुभारम्भ भयो ।

विद्यालयका संस्थापक निर्देशक रमाकान्त बराल, सहप्रचार्य दीपक गिरी र विद्यालयका को–अर्डिनेटर सूर्यप्रसाद लम्सालले त्रिदिवसीय खेलकुद प्रतियोगिताको संयुक्त उद्घाटन गरेका हुन् ।

बुधबार सिनियर छात्र फुटबलमा मार्कोनी हाउस प्रथम भयो । ग्यालिलियो हाउस द्वितीय भएको थियो । जुनियर छात्र फुटबलमा न्युटन हाउस प्रथम र आइन्सटाइन हाउस द्वितीय हुन सफल भए ।

छात्रा फुटबलमा आइन्सटाइन हाउस प्रथम र मार्कोनी हाउस द्वितीय भए । छात्रा भलिबलमा न्युटन हाउस प्रथम र मार्कोनी हाउस द्वितीय भयो ।

पहिलो दिन क्रिकेट, टेबल टेनिस, म्युजिकल चियार, चम्चा दौड, बेलुन फुटाई, १०० मिटर दौड, २०० मिटर दौड, मिठाई दौडका प्राराम्भिक चरणका खेलहरु पनि सम्पन्न भए । विद्यालय संस्थापक निर्देशक रमाकान्त बरालले विद्यालयले स्वास्थ्यका लागि खेल भन्ने उद्गार मनन गर्दै विद्यार्थीहरुलाई खेलकुदको माध्यमबाट स्वास्थ बनाउन सकिने कुरामा जोड दिए ।

खेल विद्यालय प्राङ्गणका साथै मालेपाटन खेलकुद मैदानमा भएका छन् ।
खेलकुद शिक्षक इच्छा घलेको संयोजकत्वमा विभिन्न शिक्षकहरुद्वारा खेलहरु खेलाइने
सहसंयोजक शिक्षक रामचन्द्र शर्माले जनाए ।