पोखरा । राणा एण्ड गान्धी ग्रुप आयोजनामा पोखरामा विभिन्न देशका प्रतिनिधिहरुबीच बाईएसएमएफसी फेस्टिभल शो–२०२४ भएको छ ।

दुईदिने उक्त कार्यक्रममा नेपालसहित भारत, बंगलादेश, दक्षिण कोरिया, यूके, मलेसियालगायत ८ देशका प्रतिनिधि समावेश भएको कार्यक्रम संयोजक डिबी रानाले जानकारी दिए । कार्यक्रम सोचेअनुरुप सफल भएको रानाको दाबी छ ।

युथ मुभमेन्ट फर चेञ्जअन्तर्गत कम्पनीले यसअघि विभिन्न मोटिभेसनका कक्षा, योगा, फेसन शो, विभिन्न जनतासँग कलाकार समावेश गराई सांस्कृतिक कन्सर्ट गरिसकेको छ ।

काठमाडौं बागबजारमा केन्द्रीय कार्यालय रहेको राणा एण्ड गान्धी ग्रुपको उद्देश्यअनुरुप राष्ट्रिय तथा अन्तर्राष्ट्रियस्तरमा नै आपसी भाइचारा कायम गर्दै नेपाली नयाँ पुस्तालाई प्रोत्साहन साथै क्षमता अभिवृद्धि गर्दै हरेक क्षत्रेमा नेपाल र नेपालीलाई सक्षम र क्षमतावान् बनाउन मुख्य भूमिका खेल्दै आएको छ ।

साथै, अन्तर्राष्ट्रियस्तरसम्म नेपालको पहिचान बनाई पर्यटन प्रवद्र्धनमा भूमिका खेल्नु र नेपाली नवप्रतिभालाई मानसिक, शारीरिकरुप्मा सक्षम बनाउन अन्तर्राष्ट्रियस्तरमै प्रतिस्पर्धात्मक हुन सक्ने बनाउनु उद्देश्य रहेको कम्पनी अध्यक्ष डा. एलबि रानाले जनाए ।