पोखरा । नेपालका केही सहकारीमा समस्या देखिँदा सहकारी अभियानका २ उत्कृष्ट संस्थाहरु पोखरा रोयल साकोस र चन्द्रागिरी साकोसका प्रतिनिधिबीच अन्तक्र्रिया भएको छ ।

पोखरा रोयल साकोसको निमन्त्रणामा पोखरा आइपुगेका चन्द्रागिरी साकोसका समिति, उपसमिति र कर्मचारीको प्रतिनिधि र पोखरा रोयल साकोसका प्रतिनिधिबीच दुई वटै संस्थाले हासिल गरेका सफलता, सदस्य सेवामा गरिरहेको असल अभ्यास, संस्थाले भोगिरहेका चुनौती, भावी रणनीति साथै सहकारी अभियानमा पु¥याउन सक्ने योगदानका सन्दर्भमा समेत चर्चा भएको पोखरा रोयल साकोसका सूचना अधिकारी मीलन ढकालले बताए ।

कोभिड महामारीको समयदेखि भगिनी सम्वन्धको रुपमा रहेको २ संस्थाका अध्यक्षद्वय रुद्रकुमारी गुरुङ र योगेन्द्रकुमार कुँवरले संस्थाको गतिविधिलाई थप गतिशील, समयानूकूल, सदस्यमुखी र सहकारी अभियानमा योगदान दिने उद्देश्यसाथ १७ बुँदे सम्झौतापत्रमा हस्ताक्षर समेत गरेका छन् ।

सो सम्झौताबमोजिम सहकारी क्षेत्रको साख वृद्धि, मानव संशाधनको क्षमता अभिवृद्धि, प्रविधिमैत्री सेवामा पहुँच वृद्धि, एकरुपता, सुशासन, असल अभ्यास आदानप्रदान र अनुशरण, वस्तु तथा सेवाको विकास र विस्तारमा संयुक्त खोजी गर्ने जस्ता विषयहरुमा दुबै संस्थाले दृढताका साथ लागिपर्ने अध्यक्षद्वयले प्रतिवद्धता व्यक्त गरे ।

कार्यक्रममा पोखरा रोयलका प्रमुख कार्यकारी अधिकृत भीमबहादुर गुरुङले एक्जिट प्लान इन कोअपरेटिभ र चन्द्रागिरीका प्रमुख कार्यकारी अधिकृत कृष्णकुमार श्रेष्ठले ग्रुमिङ दि कोअपरेटिभ लिडरसिप विषयमा प्रस्तुतीकरण दिए ।

सिईओद्वय नेफ्स्कूनद्वारा वार्षिक रुपमा प्रदान गर्ने साकोस अभियानको उत्कृष्ट सिइओ पुरस्कार विजेता भइसकेका व्यक्तित्व हुन् । गुरुङ वर्षले २०२४ र श्रेष्ठले वर्ष २०२३ मा उत्कृष्ट सिईओ अवार्ड पाएका थिए ।

यस्तै, पोखरा रोयल साकोस र चन्द्रागिरी साकोसले संस्थागत रुपमा राष्ट्रिय सहकारी महासंघ, नेफ्स्कून र राष्ट्रिय सहकारी बंैकबाट सहकारी क्षेत्रका उत्कृष्ठ पुरस्कार तथा सम्मान प्राप्त गरिसकेका संस्थाहरु हुन् ।