लेखनाथ । लेखनाथ हार्डवयर एसोसिएसनको ११औं वार्षिक साधारण शनिबार सम्पन्न भएको छ ।

सभाको उद्घाटन गर्दै रुपा गाउँपालिका अध्यक्ष नवराज ओझाले निर्माणका सामग्री किनबेच गर्दा नाफाका लागि मात्र नभई, गुणस्तरीय निर्माण सामग्री प्रयोग गरी मजबुत निर्माणमा सहयोगीको भूमिका निभाउन आग्रह गरे । उनले व्यवसायीको क्षेत्राधिकार रुपा गाउँपालिकासम्म पुर्‍याउन लागि अनुरोध गरे ।

सोही अवसरमा लेखनाथ उद्योग वाणिज्य संघका अध्यक्ष विनोद श्रेष्ठले हार्डवयर्स व्यवसायीले लेखनाथको विकासमा पुर्‍याएको योगदानबारे चर्चा गरे ।

एसोसिएसन अध्यक्ष अर्जुनराज पंगेनीको अध्यक्षतामा भएको कार्यक्रममा लेखनाथ कुटानी पिसानी व्यवसायी समिति अध्यक्ष विष्णुप्रसाद लामिछाने, लेखनाथ हार्डवयर एसोसियसन संस्थापक अध्यक्ष राजेन्द्र ओझा, वरिष्ठ सल्लाहकार भक्तबहादुर केसीलगायतले व्यावसायिक एकताको माध्यमबाट अगाडि बढ्नु पर्ने सुझाव दिए ।

एसोसिएसन महासचिव शिवराज अधिकारीले संचालन गरेको कार्यक्रममा प्रथम उपाध्यक्ष लक्ष्मण सुनारले स्वागत र निवर्तमान अध्यक्ष ऋषिराम जमरकट्टेलले धन्यवाद ज्ञापन गरे ।