पोखरा । युवा व्यवसायी मनोहरि पौडेल पोखरा उद्योग वाणिज्य संघ कार्यसमिति सदस्यमा मनोनीत भएका छन् ।

संघ अध्यक्ष गोकर्ण कार्कीले संघको विधानको व्यवस्थाबमोजिम पौडेललाई कार्यसमिति सदस्यमा मनोनीत गरेका हुन् । संघको विधानअनुसार साधारण सदस्यमध्येबाट ४ जनालाई अध्यक्षले मनोनीत गर्न पाउने व्यवस्था छ । यसअघि सोवित पौडेल, नवीन पौडेल र कमलबहादुर सुनारलाई मनोनीत भइसकेका थिए ।

बुद्ध विशाल बजार व्यापरिक एसोसिएसनका प्रवक्तासमेत रहेका मनोहरि पौडेल विभिन्न संघसंस्थामा आबद्ध छन् । उनी ट्वीन्स कलेक्सन बुद्घ विशाल बजारका सञ्चालक हुन् । विभिन्न संघसंस्थामा समेत आवद्ध पौडेल त्रिलोकेश्वर शिव मन्दिर सेवा समिति, पोखरा २८ का अध्यक्ष, सुर्केमैदान सिर्जनशील क्लबका संस्थापक अध्यक्ष तथा शीतल युवा क्लबका सल्लाहकार हुन् । पत्रकार महासंघ कास्कीका सदस्य उनी जुत्ता व्यवसायी समिति कास्की तथा कास्की बडिबिल्डिङ एण्ड फिटनेस एसोसिएसनका प्रेस संयोजक छन् ।