पोखरा । जनप्रिय बहुमुखी क्याम्पस प्रमुखमा कृष्णबाबु बराल नियुक्त भएका छन् । क्याम्पस सञ्चालक समितिको आइतबारको बैठकले उनलाई प्रमुखमा नियुक्त गरेको हो ।

व्यवस्थापन विषय प्राध्यापन गर्दै आएका बरालले यसअघि निमित्त क्याम्पस प्रमुखसमेत बनेका थिए ।

जनप्रियकै पूर्व विद्यार्थी उनी २०६५ सालदेखि त्यहाँ प्राध्यापन गर्दै आएका थिए ।

नवनियुक्त प्रमुख बराललाई क्याम्पस सञ्चालक समिति अध्यक्ष वीरेन्द्रनारायण विजुक्छेले पद तथा गोपनीयताको शपथ गराएका छन् ।

क्याम्पस प्रमुख बरालले स्वायत्त कार्यक्रमअन्तर्गत विषय थप गर्ने र मानीत विश्वविद्यालय बनाउने लक्ष्य आफूले लिएको बताए । जनप्रियलले त्रिविको सम्बन्धन र विश्वविद्यालय अनुदान आयोगबाट गुणस्तर मान्यता प्राप्त गरेको छ ।

स्वायत्त कार्यक्रमअन्तर्गत एमबिए इन हस्पिट्यालिटी म्यानेजमेन्ट र स्नातक तह पर्वतीय पर्यटन व्यवस्थापन (बिएमटिएम) शैक्षिक कार्यक्रम सञ्चालन गरिरहेको छ । यहाँ करिब ४५ सयभन्दा बढी विद्यार्थी अध्ययन गर्छन् ।