पोखरा । जाल्पादेवी महिला उद्धार समूहको २६ औं साधारणसभा तथा नवौं अधिवेशनले दुर्गा अधिकारीको अध्यक्षतामा नयाँ कार्यसमिति चयन गरेको छ । अधिवेशनले उनको अध्यक्षतामा १५ सदस्यीय कार्यसमिति सर्वसम्मत चयन गरेको हो ।

साधारणसभाको उद्घाटन पोखरा ८ का वडाध्यक्ष रुद्रनाथ बरालले गरेका थिए । कार्यक्रममा सृजना विकास केन्द्रका अध्यक्ष विष्णुप्रसाद बराल, सृजना महिला बचत तथा ऋण सहकारी संस्थाका अध्यक्ष सुष्मा बराल, समूहका निवर्तमान अध्यक्ष कान्ति अधिकारी, पूर्व अध्यक्ष तथा सल्लाहकार पवित्रा केसी, समूहका संस्थापक अध्यक्ष शारदा सुवेदी, जाल्पादेवी बहुउद्देश्यीय विकास समिति उपाध्यक्ष शान्ति सिग्देल, रेडियो सराङकोटका प्रमुख कृष्ण थापालगायतले बोलेका थिए ।

समूह कोषाध्यक्ष सुनिता बरालले आर्थिक प्रतिवेदन र सचिव अमृता गिरीले कार्यप्रगति विवरण प्रस्तुत गरे । कार्यक्रम संचालन समूहकी सचिव अमृता गिरीले गरेकी थिइन् ।