पोखरा । इमेज सहकारी ठगी प्रकरणमा मुछिएका ढोरपाटन नगरपालिकाका प्रमुख देवकुमार नेपालीलाई कास्की ल्याइएको छ । उनी विरुद्ध पोखरामा पनि बचतकर्ताले जाहेरी दिएका थिए । नेपालीलाई आइतबार विहान पोखरा ल्याइएको प्रहरीले जानकारी दिएको हो ।

पोखरामा रहेको इमेज सहकारीमार्फत झन्डै ६८ करोड ठगीको आरोप लागेकाले थप अनुसन्धानको लागि उनलाई पोखरा ल्याइएको हो । ५ सय २४ जना बचतकर्ताले नेपालीविरुद्ध उजुरी दिएका छन् । पोखरा र बागलुङमा एकै नाममा दुई सहकारी सञ्चालन गरेका उनी भारतको दिल्लीबाट असोज १२ गते पक्राउ परेका हुन् ।

असोज १५ गते जिल्ला अदालत बागलुङले पुर्पक्षका लागि थुनामा पठाएको थियो । देवकुमार पोखराको सूर्यदर्शन बचत तथा ऋण सहकारीका पूर्व उपाध्यक्ष समेत हुन् । इमेज सहकारीको बागलुङमा बचत भएको डेढ अर्ब अपचलन भएको छ । कास्कीको अपचलनमा मात्रै १५ जनाविरुद्ध मुद्दा दायर भएको छ ।