पोखरा । लक्ष्मी सनराइज बैंकले पोखरा बाटुलेचौरमा एक्सटेन्सन शाखा संचालनमा ल्याएको छ ।

आइतबार सुरु उक्त शाखाले बैंकको विभिन्न सेवासहित बिस्तारित काउण्टर र एटिएम सेवा संचालनमा ल्याएको सो शाखासमेत हेर्ने बगर शाखा प्रमुख विकास आचार्यले बताए । बाटुलेचौर क्षेत्रमा ‘क’ वर्गको वाणिज्य बैंक अभाव महसुस भएकोमा स्थानीयको मागअनुसार एक्सटेन्सन शाखा संचालनमा ल्याइएको उनले बताए ।

बैंकले पोखरामा ८ शाखा र बाटुलेचौरसहित नेपाल मणिपाल फूलबारी, हिमालय आँखा अस्पताल घारीपाटन गरी ३ एक्स्टेन्सन शाखा संचालित छन् ।

यसअघि, बाटुलेचौर क्षेत्रमा ‘ख’ वर्गको गरिमा विकास बैंकले मात्र बैंकिङ सेवा प्रदान गरिरहेको छ ।