पोखरा । पोखरा उद्योग वाणिज्य संघमा २ जना सदस्य मनोनित भएका छन् । संघका अध्यक्ष गोकर्ण कार्कीले विधान २०६५ (संशोधन २०७२) को परिच्छेद ६को धारा ६.१ (ड) अनुसार उनीहरुलाई सदस्यमा मनोनयन गरेका हुन् ।

मनोनित हुनेमा ओम शाखिनी सप्लायर्स न्यूरोडका सञ्चालक सोवित पौडेल जय भूपू सैनिक सुनचाँदी पसल महेन्द्रपुलका संचालक कमलबहादुर सुनार छन् । संघको विधान अनुसार साधारण सदस्य मध्येबाट ४ जनालाई अध्यक्षले मनोनित गर्न पाउने व्यवस्था छ ।

आइतबार मनोनित भएका दुवैजना एमाले निकटका हुन् । निर्वाचनका बेला कार्कीलाई अध्यक्षमा सहयोग गर्ने र कार्कीले सदस्य मनोनित गर्ने आन्तरिक सहमति अनुसार उनीहरुलाई मनोनयन गरिएको बताइएको छ । मनोनित ४ सहित पोखरा उद्योग वाणिज्य संघको पूरा कार्यसमिति २९ सदस्यीय हुन्छ । २ जनालाई मनोनयन गर्न बाँकी नै छ ।