लेखनाथ । पोखरा २६ स्थित सिर्जना बहिरा आवासीय माविका विद्यार्थीको शैक्षिक विकासमा सहयोग पुग्ने गरी एक लाख बराबरको अक्षयकोष स्थापना गरिएको छ ।

पुरानो घर पर्वत भई हाल पोखरा १०, अंमरसिहचोक निवासी पूर्व बेलायती सैनिक गुमानसिंह गुरुङ र उनकै भाइ झमानसिंहले बलबहादुर क्षत्रीको स्मृतिमा उक्त अक्षयकोषका लागि सहयोग गरेका हुन् ।

आफ्नो घरमा वर्षौदेखि बसोबास गर्दै आएका क्षत्री सुस्त श्रवण भएकाले उनेको सम्झनामा सिर्जना बहिरा स्कुलकै विद्यार्थीको सहयोगका निम्ति त्यहाँ अक्षयकोष स्थापना गरिएको बताइएको छ ।

बेलायतमा रहेका गुमानसिंह गुरुङले नेपाल आएको समयमा अक्षयकोषका लागि एक कार्यक्रमबीच विद्यालय व्यवस्थापन समितिका अध्यक्ष प्रकाशलाल श्रेष्ठ र प्रधानाध्यापक सुनिल भण्डारीलाई उक्त रकम हस्तान्तरण गरेका हुन् ।