पोखरा । हेमजास्थित गौरीशंकर बहुमुखी क्याम्पसमा मञ्जु सुनारको अध्यक्षतामा नेपाल युवा रेडक्रस सर्कल पुनर्गठन गरिएको छ ।

बुधबार विद्यार्थी भेलाले सर्कलको उपाध्यक्षमा लक्ष्मी भट्टराई, सचिवमा धनदेवी जिसी, कोषाध्यक्षमा मोनिता सिर्पाली तथा सहसचिवमा दलकुमार रसाइलीलाई जिम्मेवारी दिएको छ । त्यस्तै सुगम ढुंगाना, लक्ष्मी सुनार, मनिका सुनार, सन्दीपराज विक, अनु खाती र तिर्सना घर्ती मगर सदस्य छनोट भए । सर्कलको शिक्षक नायकमा सहायक प्राध्यापक बुद्धिप्रसाद बास्तोला चयन भए ।

भेलालाई सम्बोधन गर्दै क्याम्पस प्रमुख कृष्णप्रसाद पौडेलले स्वयंसेवा नै रेडक्रस भावना भएको जनाउँदै त्यसलाई समाजसेवीमा प्रयोग गर्नुपर्ने औँल्याए ।

शिक्षक नायक बुद्धिप्रसाद बास्तोलाले सर्कल क्रियाशील बनाउन आग्रह गर्दै सर्कलका क्रियाकलापमा क्याम्पसको साथ रहने स्पष्ट पारे ।
सर्कल अध्यक्ष सुगम ढुंगानाको अध्यक्षतामा भएको उक्त कार्यक्रम सर्कल सचिव धनदेवी जिसीले संचालन गरिन् ।