पोखरा । नृत्य एवं गायन प्रस्फुष्टन गर्ने उद्देश्यसहित नन्द इन्टरटेनमेन्ट हाउस आयोजनामा पोखरामा गायन तथा नृत्य प्रतियोगिता ‘गण्डकी स्टार सिजन–५’ सम्पन्न भएको छ ।

शनिबार पोखरा उद्योग वाणिज्य संघमा ग्राण्ड फिनालेमा नृत्यतर्फ उपाधि डायमण्ड सेकेन्डरी बोर्डिङकी श्रेया श्रीस मगरले जितिन् । यस्तै, गायनतर्फ उपाधि कुश गुरुङले हात पार्न सफल भए ।

फाइनलिष्ट अन्य ४ जनालाई पछि पार्दै श्रेयाले उपाधि जित्न सफल भएकी हुन् । उनले म्यूिजक भिडियो खेल्ने अवसरसहित गिफ्ट ह्याम्पर प्राप्त गरिन् ।

नृत्यतर्फ डायमण्ड सेकेन्डरी बोर्डिङकी श्रेया श्रीस मगर र गायनमा कुश गुरुङलाई उपाधि

फस्ट रनर अप इलिस्पा गौतम, सेकेण्ड रनर अप स्वस्तिका तामाङ, थर्ड रनर अप स्वीकृति गुरुङ र फोर्थ रनर अप शकुन्तला अधिकारी भइन् । उनीहरुले नगद र गिफ्ट ह्याम्पर प्राप्त गरे ।

गायन विधामा उपाधि जितेका कुश गुरुङले गीत रेकर्ड गर्ने अवसरसहित विभिन्न गिफ्ट ह्याम्पर जिते । फस्ट रनर अप झलक गुरुङ, सेकेण्ड रनर अप इञ्जिनियर अनिल ढुंगाना, थर्ड रनर अप दीपक सुनार र फोर्थ रनर अप अमृता तामाङ बन्न सफल भए । उनीहरुले नगद र गिफ्ट ह्याम्पर प्राप्त गरे ।

समारोहमा उत्कृष्ट अभिभावक सम्मानबाट लक्ष्मी शर्मालाई प्रदान गरियो । उत्कृष्ट कोरियोग्राफर सम्मान समृद्धि पाण्डे प्राप्त गरिन् ।

नृत्यतर्फ निर्णायकमा ईश्वरवल्लभ उप्रेती, पूजा ठाकुर, माया गुरुङ तथा गायनमा करन तामाङ, दिलकुमारी खाँण, आरजु बिष्ट ‘सल्यानी’ र सोना अमात्य थिए ।

प्रमुख अतिथि गण्डकी प्रदेश प्रहरी कार्यालयका प्रहरी नायव उपरीक्षक ध्रुवराज राउतले यसप्रकारका कार्यक्रमले लुकेर रहेको प्रतिभा प्रस्फुटन गर्न सहयोग पुग्ने बताए ।

मुख्य प्रायोजक इन्टरनेशनल कलेज अफ साइनस (आइक्यास) पोखराका प्रबन्ध निर्देशक समीर थापाले मोफसलकै उत्कृष्ट कार्यक्रम गण्डकी स्टार भएको र कार्यक्रमको निरन्तरमा जोड दिए । आइक्यासको मुख्य प्रायोजनमा भएको उक्त इभेन्टमा विभिन्न गीत एवं नृत्य प्रस्तुत गरिएको थियो ।

कार्यक्रमका निर्देशक देवेन्द्र शाहीले प्रतिभा उजागर गर्ने कार्यक्रमलाई निरन्तरता दिँदै जाने बताए । संस्थाले यसअघि गण्डकी डान्स, पोखरा चाइल्ड स्टार, सोसल अवार्ड लगायत कार्यक्रम गरिसकेको देवेन्द्र शाहीले बताए ।