पोखरा । विश्वकर्मा समाज नेपाल आयोजनामा पोखरा २९, भण्डारढिक खेल मैदानमा आठौं संस्करणको अन्तर वडास्तरीय खुला पुरुष भलिबल प्रतियोगिता सुरु भएको छ ।

३ असोजसम्म चल्ने प्रतियोगिताको वडाध्यक्ष श्रीप्रसाद गुरुङले उद्घाटन गरे । उनले भण्डारढिकमा नियमित प्रतियोेगिता भए सहयोग गर्ने प्रतिबद्धता जनाए । साथै खेलले आपसी भाइचारा स्थापित हुने र स्वस्थ रहन सहयोग पुग्ने भएकाले निरन्तरताको कामना गरे । प्रतियोगिताअन्तर्गत छेलो हान्ने, घैटो फुटाइ र रस्साकस्सीमा प्रतिस्पर्धा पनि हुने विश्वकर्मा समाज नेपालका अध्यक्ष रनबहादुर विश्वकर्माले बताए ।

विजेताले ५० हजार र उपविजेताले ३० हजार साथमा ट्रफी, मेडल र प्रमाणपत्र प्राप्त गर्ने प्रतिायेगिता संयोजक बेलबहादुर विश्वकर्माले जानकारी दिए ।

सो अवसरमा छेलो, रस्साकसी र घैटो फुटाउने प्रतियोगिता समेत हुनेछ । छेलोतर्फ प्रथम र द्वितीयलाई क्रमशः ३ हजार र १ हजार ५ सय रुपैयाँ पुरस्कार दिइने संस्थाका सचिव जीवनकुमार सुनारले बताए । रस्साकस्सीमा प्रथमले ३ हजार र द्वितीयले १ हजार ५ सय रुपैयाँ पुरस्कार प्राप्त गर्नेछन् । घैटो फुटाउनेलाई १ हजार रुपैयाँ प्रदान गरिने छ ।