पोखरा । पोखरामा केन्द्रीय कार्यालय रहेको ग्रीन डेभलपमेन्ट बैंक लिमिटेडले आफ्ना ग्राहक तथा कर्मचारीहरु र उनका आश्रित परिवारका ग्यालेक्सी हस्पिटलसँग विभिन्न स्वास्थ्य सेवा तथा सुविधाहरुमा छुट प्रदान गर्ने सम्झौता गरेको छ ।

सम्झौतापछि बैंकका ग्राहकले ग्रीन डेबिट कार्ड, मोबाइल बैंकिङ प्रयोग गरी हस्पिटलमा उपलब्ध युएसजी, इसिजी, एक्सरे, बेड चार्ज, प्याथोलोजी सेवा, हेल्थ प्याकेजलगायतमा १५ प्रशितसम्म छुट प्राप्त गर्न सक्नेछन् ।

पोखरा १०, उत्तमचोकस्थित सुविधासम्पन्न ग्यालेक्सीमा विभिन्न रोगका विशेषज्ञ चिकित्सहरुद्वारा आधुनिक प्रविधियुक्त उपकरणबाट विशेषज्ञ स्वास्थ्य सेवाहरु प्रवाह हँुदै आएको छ ।

सम्झौतापत्रमा बैंकका तर्फबाट सहायक महाप्रबन्धक संयुक्तबहादुर धाख्वा र ग्यालेक्सी हस्पिटल प्रालिका तर्फबाट अध्यक्ष वरिष्ठ हाडजोर्नी तथा नशा रोग विषेशज्ञ डा. हेमन्त मानन्धरले हस्ताक्षर गरेका छन् । कार्यक्रममा हस्पिटलका कार्यकारी निर्देशक दीपेन थापा र बैंकको बुद्धचोक शाखाका शाखा प्रबन्धक मानबहादुर शाहीको समेत उपस्थिति थियो ।

हाल उक्त सम्झौताको करार १ वर्ष अवधि छ ।