पोखरा । इच्छाशक्ति अटोमोबाइल्सले नयाँ बजाज पल्सर एनएस–२०० मोटरसाइकल सार्वजनिक गरेको छ । ब्लुटुथ कनेक्सन र नेभिगेसनसहितको पूर्ण डिजिटल कन्सोलका सुविधा रहेको उक्त मोटरसाइकलमा पावर, प्रविधि, र डिजाइनको उत्कृष्ट संयोजन रहेको कम्पनीको दाबी छ । जसमा ट्रिपल स्पार्क फोरभल्भ इन्जिन उपलब्ध छ जसले १८ किलोवाट पावर र १८.७४ एनएम टर्क उत्पन्न गर्ने जनाइएको छ ।

पोखरा उद्योग बाणिज्य संघका नवनिर्वाचित अध्यक्ष गोकर्ण कार्कीले पल्सरका मोटरसाइकल प्रविधिमैत्री भएकाले युवाको रोजाइमा परेको बताए । बजाजका मोटरसाइकल नेपालको भुगोल सुँहाउदो हुने बताउँदै गाडीमा भन्दा बढी एड्भान्स मोटरसाइकल उत्पादन भएको बताए । उनले मोटरसाइकलका पार्टपूर्जा सहज रुपमा उपलब्ध हुन सकोस् भनी शुभेक्षा व्यक्त गरे ।

कम्पनीका संस्थापक अध्यक्ष इच्छामान बुद्धाचार्यले आर्थिक मन्दीले व्यवसायमा असर परेको गुनासो गरे । उनले व्यवसायीका समस्या समाधान गर्न व्यवसायी एकजुट हुनुपर्नेमा जोड दिए ।

सो अवसरमा पोखरा उद्योग बाणिज्य संघका नवनिर्वाचित कार्यसमितिलाई सम्मान गरिएको थियो ।

कार्यक्रममा कम्पनी निर्देशक रत्नमाया बुद्धाचार्य, पश्चिमाञ्चल अटोमोबाइल डिलर्स एसोसिएसन अध्यक्ष कृष्णप्रसाद श्रेष्ठ, कास्की प्रहरी प्रमुख मोहन थापा लगायतको उपस्थिति थियो ।

उक्त मोटरसाइकलको मुख्य विशेषता ६–स्पीड गियरबक्स र नयाँ प्रणालीको एलइडी लाइटिङ, ब्लुटुथ, टर्न–बाई–टर्न नेभिगेसन, गियर पोजिसन इन्डिकेटर, डिस्ट्यान्स–टु–एम्प्टी रिडआउट, र इन्धन खपतको डेटा हुन् । अपसाइड–डाउन फ्रन्ट फोक्स र डुअल–च्यानल एबिएसले उत्कृष्ट ब्रेकिङ कन्ट्रोल प्रदान गर्दछ । स्पोर्टी डिजाइन, उन्नत इन्जिनियरिङ र उत्कृष्ट पावर–टु–वेट रेसियोले मोटरसाइकल जस्तोसुकै सडकमा फिट हुने कम्पनीको दाबी छ । मोटरसाइकलको मूल्य ४ लाख ४४ हजार ९ सय रुपैयाँ तोकिएको छ ।

कम्पनीको दशैँ, तिहार र छठ अवसरमा नयाँ स्किम समेत ल्याएको छ । बजाजको यस योजनाअन्तर्गत ग्राहकले हरेक बजाजको खरिदमा एक जोडीले केन्यामा जंगल सफारीको अवसर पाउने छन् । साप्ताहिक–ड्र अन्तर्गत हरेक हप्ता एक जोडीले चितवनमा जंगल सफारीको अवसर पाउनेछन् । क्यासब्याक अफरमा ६ हजार देखि १ लाख रुपैयाँसम्म क्यास जित्न सक्नेछन् ।

इच्छाशक्ति अटोमोबाइल्स बजाज मोटरसाइकलको पोखराका लागि आधिकारिक बिक्रेता हो ।