पोखरा । राष्ट्रिय बाल दिवस अवसरमा प्रतिभा माविले ‘प्रतिभा प्रस्फुटन कार्यक्रम–२०८१’ सम्पन्न गरेको छ । विद्यालयका कक्षा १ देखि ५ सम्मका विद्यार्थीबीच नृत्य र गायन प्रतियोगिता आयोजना गरिएको हो ।

नृत्य प्रतियोगितामा कक्षा १ बाट आरुश दाहालको समूहले पहिलो स्थान प्राप्त गर्दा प्रज्ञा सापकोटा र सहना शाही दोस्रो र सचिता सुवेदीको समूह तेस्रो भयो । कक्षा २ बाट शासम र ओशनी गुरुङको जोडी पहिलो, रानी थापा र प्रभास सुनारको जोडी दोस्रो र आरुसी भुजेलको समूह तेस्रो भयो ।

कक्षा ३ तर्फ पहिलो रिवास थापाको समूह हुँदा खुशी प्रजाको समूह दोस्रो र आयान गुरुङको समूहले तेस्रो स्थान प्राप्त ग¥यो । कक्षा ४ तर्फ बन्दना बालकोटी, विधाता पराजुली र एरिका पौडेल र विध्रिका पण्डितको जोडी क्रमशः पहिलो, दोस्रो र तेस्रो भए । कक्षा ५ बाट रितिसा आचार्यको समूह, रिहाना त्रिपाठीको समूह र ग्रिस्मा भुसाल क्रमशः पहिलो, दोस्रो र तेस्रो भएको विद्यालयले जनाएको छ ।

गायनतर्फ कक्षा २ र ३ बाट अभियाना पौडेल पहिलो दिपसन लामिछाने दोस्रो र रितिनराज रेग्मी र प्रनभ त्रिपाठी तेस्रो भए । कक्षा ४ र ५ बाट अविन त्रिपाठी, आरभ जिसी र प्रिन्सा अधिकारी क्रमशः पहिलो, दोस्रो र तेस्रो भए ।

उनीहरुलाई विद्यालयका वित्त निर्देशक विश्वगोपाल पराजुली, सहप्राचार्य प्रदीप खनाल, बुद्धिमोहन पौडेल, अपरेसन इञ्चार्ज तारा केसी, को–अर्डिनेटर भगवती सुवेदी, पद्मा पराजुली, निर्मला सुवेदी लगायतले पुरस्कृत गरे ।

प्राचार्य किरण सापकोटाले स्वागत मन्तव्य दिँदै प्रतिभा माविमा अध्ययनरत विद्यार्थीमा लुकेको प्रतिभा बाहिर ल्याउन यस्तो कार्यक्रम गरिएको बताए । विद्यालयले अध्ययनसँगै अतिरिक्त क्रियाकलाप आयोजना गर्ने गरेको पनि उनले बताए ।