पोखरा । वैदिक धर्म परिषद् कास्की, विश्व हिन्दू महासंघ गण्डकी तथा ज्येष्ठ नागरिक मिलन केन्द्र पस्र्याङ बगैँचा पार्कको संयुक्त आयोजनामा शनिबार एकादशी महात्म्य प्रवचन भएको छ ।

उक्त सत्संगमा प्रमुख वाचक नेपाल संस्कृत विश्वविद्यालयका सहप्राध्यापक डा. भोलानारायण रेग्मीले एकादशीको महत्व प्रकाश पार्दै हरिपरिवर्तिनी एकादशीलाई जयन्ती एकादशी एवं वामन एकादशी पनि भनिने स्पष्ट पारे ।

महर्षि गुरुकुल फाउण्डेसन अध्यक्ष रामचन्द्र पौडेलले पर्वविशेषमा आयोजना गरिने सत्संगले मानिसलाई सत्मार्गतर्फ डोर्‍याउने जनाए ।

कार्यक्रममा पं. गोकर्ण बराल, महासंघ गण्डकी अध्यक्ष मुक्तिराम अधिकारी, मिलन केन्द्र अध्यक्ष विश्वनाथ पराजुली, परिषद् सचिव सूर्यप्रसाद भण्डारी, महासंघ महानगर कोषाध्यक्ष इन्दिरा अधिकारी लगायतले शुभकामना मन्तव्य राखे ।

महासंघ अध्यक्ष मुक्तिराम अधिकारीको अध्यक्षतामा भएको सत्संगमा बगैँचा पार्क अध्यक्ष शिवप्रसाद पराजुलीले स्वागत, सहसचिव ज्यो.हरिश्चन्द्र भण्डारीले धन्यवाद ज्ञापन र महासंघका सचिव डिल्लीराम भट्टराईले सञ्चालन गरे । सत्संगबीच संगीतमय भजनकीर्तन, नाचगान समेत भयो । अब १२ असोज, इन्दिरा एकादशीमा सत्संग हुनेछ ।