पोखरा । पोखरा–१६, तल्लो दीपस्थित जोगिमणि टोल विकास संस्थाको शनिबार भएको १६ औं साधारणसभा तथा आठौं अधिवेशनले पुनः गोपाल गिरीको अध्यक्षतामा नयाँ कार्यसमिति चयन गरेको छ ।

अधिवेशनले उपाध्यक्षमा गोमादेवी गुरुङ, सचिवमा बुद्धिबल थापा, सहसचिवमा जगत सुवेदी तथा कोषाध्यक्षमा क्या.होमबहादुर गुरुङलाई जिम्मेवारी दिएको छ । यस्तै, प्रेम गुरुङ, पसबहादुर गुरुङ, इन्द्र बास्तोला, असरी सुनार र कृष्णकुमारी बास्तोला सदस्य छनोट भए ।

कार्यक्रमलाई सम्बोधन गर्दै जोगिमणि तमु समाज अध्यक्ष क्या. डम्बरबहादुर गुरुङले टोल विकास संस्थाका क्रियाकलाप प्रशम्सायोग्य रहेको जनाउँदै जोगिमणि टोललाई नमूना बनाउनुपर्ने बताए।

जोगिमणि तमु समाजका सचिव क्या.चोकबहादुर गुरुङले टोलको विकास, सरसफाइ लगायतमा ध्यान दिन सबैसँग आग्रह गर्दै टोलवासी जागरुप हुनुपर्ने स्पष्ट पारे । अध्यक्ष गोपाल गिरीले टोल विकासमा आफू नेतृत्वको समिति अहोरात्र लागि परेको दावी गर्दै आगामि दिनहरुमा पनि टोलवासीको सहयोगको अपेक्षा सुनाए ।

त्यस अवसरमा स्थानीय दुर्गाबहादुर गुरुङ, पूर्व अध्यक्ष चक्रपाणि सुवेदी, तल्लो दीप टोल विकास संस्थाका बद्रीनाथ गौतम लगायतले पनि धारणा राखे ।

संस्थाका अध्यक्ष गिरीको अध्यक्षतामा भएको उक्त कार्यक्रम सचिव बुद्धिबल थापाले संचालन गरे।