पोखरा । पोखरामा शुक्रबार अमोडा ई५ डिलक्स र अफरोडर एसयूभी जेको जे६ सार्वजनिक गरिएको छ । पोखराका लागि ओमोडा र जेको गाडीको आधिकारिक विक्रेता इलाइट मोटर्स प्रालिले एक समारोह आयोजना गरी ती गाडी सार्वजनिक गरेको हो ।

सो अवसरमा गाडीका फ्युचरिस्टिक टेक्नोलोजी प्रदर्शन गरिएको थियो । नवीन प्रविधि विस्तारमा अमोडा र जेको गाडीले महत्वपूर्ण कोशेढुंगा हासिल गर्ने कम्पनीको दाबी छ ।

इलाइट मोटर्सका चेयरम्यान गोपाल बरालले अमोडा ई५ र जेको जे६ का लागि उत्साहपूर्ण र सकारात्मक प्रतिक्रिया पाएको बताए । ग्राहकका लागि एक्सचेन्ज र फाइनान्स लगायतका सुविधाका साथै ईभी टेक्नोलोजीमा आएका पछिल्ला प्रगति समेत एकै स्थानमा सहज तरिकाले उपलब्ध गराउने उनको भनाइ छ । उनले नयाँ सर्भिस सेन्टर स्थापना गर्ने योजना रहेको बताए । जसले पोखराका ग्राहकलाई अत्याधुनिक प्रविधि र नवीन प्रविधिको बारेमा जानकारी दिनेछ ।

देशैभर एड्भान्स टेक्नोलोजी र इनोभेटिभ डिजाइन सहितका सवारी साधनका साथै चार्जिङ स्टेसन र सर्भिस स्टेसनसहित नेटवर्क विस्तार गर्ने योजना रहेको एसपीजी अटोमोबाइल्सका डाइरेक्टर गौरव शारदाले बताए ।

पोखरामा इलाइट मोटर्सले सेल्स, सर्भिस र स्पेयर पार्ट्स सहितको वान–स्टप सुविधा उपलब्ध गराएको छ । पोखराका साथै नेपालभर १५ भन्दा बढी सर्भिस नेटवर्क छन् भने आगामी केही महिना भित्रै ५० भन्दा बढी क्षेत्रमा हाम्रो चार्जिङ स्टेसन विस्तार गरिने छ ।

कम्पनीका अनुसार अमोडा ई५ डिलक्सको मूल्य ५५ लाख ९९ हजार र लक्सको मूल्य ६१ लाख ९९ हजार रुपैयाँ पर्छ । अमोडा ई५ नेपाली बजारमा उपलब्ध प्रमुख ईभी ब्रान्ड हो र यसले ४३० किलोमिटरको लामो रेन्ज दिन्छ भने यसमा १८० एमएमको ग्राउन्ड क्लियरेन्स र ९९ किलोवाटको मोटर पावर छ । जेको जे६ को प्रारम्भिक मूल्य ६९ लाख ९९ हजार रुपैयाँ छ तथा थप ३ लाख रुपैयाँ फेस्टिभ डिस्काउन्टसाथ उपलब्ध छ । यसले ४०० किलोमिटर (डब्लुएलटीपी) रेन्ज दिन्छ भने यसमा १३५ किलोवाट मोटर पावर छ भने १८४ पीएस पावर र २२० एनएम टर्क दिन्छ । यसले ० देखि १०० किलोमिटर दुरी १०.५ सेकेन्डमै पार गर्छ ।

यसमा ६ एयरब्यागका साथै लिथियम आइरन फस्फेट ब्याट्री छ । यसका साथै यो गाडीमा प्यानोरामिक सनरुफ, १५.६ इन्च सेन्ट्रल कन्ट्रोल सिस्टम, प्रिमियम इन्फिनिटी साउन्ड सिस्टम र फ्रन्ट तथा रियर ड्युअल मोटर रहेको छ ।

कार्यक्रममा इलाइट मोटर्सका चेयरम्यान गोपाल बराल, म्यानेजिङ डाइरेक्टर शिव बराल, उद्योगी, व्यवसायी लगायतको उपस्थिति थियो । नेपालका लागि अमोडार जेको ब्रान्डको आधिकारिक वितरक एसपीजी अटोमोबाइल्सले आधिकारिक वितरक हो ।

१४ वर्षदेखि पोखरेली ग्राहकलाई मोबिलिटी सोलुसन प्रदान गरिरहेको इलाइट मोटर्सले प्रोडक्ट लन्च इभेन्टमार्फत अमोडाको अत्याधुनिक विद्युतीय गाडीका साथै जेकोको अद्वितीय अफरोड अनुभव उपलब्ध गराउने उद्देश्य राखिएको छ ।