पोखरा । दोलखाबाट आइ पोखरालाई कर्मथलो बनाएर बस्ने दोलखालीहरूको संस्था दोलखा–पोखरा मिलन समाजको २३ औं साधारण सभा भएको छ ।

संस्थाका सल्लाहकार एवम् निवर्तमान अध्यक्ष नारायण कृष्ण श्रेष्ठको प्रमुख आतिथ्यमा सो कार्यक्रम भएको हो ।

संस्थाले दोलखा माइती वा घर हुने चेलीहरूलाई तीजको शुभकामना आदानप्रदान साथै चेलीबेटी भेटघाट राखेको हो ।

कार्यक्रममा ताओ दर्शन पोखराका प्रमुख आनन्द दाहाल, सल्लाहाकारद्वय मानबहादुर थापा र पेमा डोमा शेर्पाले हरितालिकाको शुभकामना मन्तव्य व्यक्त गरे ।

कार्यक्रममा ९० वर्षीया ज्येष्ठ नागरिक चन्द्रमाया खड्कालाई दोसल्लासहित सम्मान गरिएको थियो । संस्थाका अध्यक्ष धनबहादुर खड्का (भरत) को अध्यक्षतामा कार्यक्रम सम्पन्न भएको सचिव कमल बस्नेतले बताए ।