पोखरा । हरितालिका तीज अवसरमा सुजल डेरी प्रालिले ‘सफल दही, एकदम सही’ नाराका साथ सफल सादा दही (सुगर फ्रि) बजारमा ल्याएको छ ।

कम्पनीले एक सूचना जारी गर्दै भनेको छ, ‘तीज पर्व केवल धार्मिक उपवास मात्र नभई, जीवनका विभिन्न रंगहरुमा रमाउने अवसर पनि हो । हामी तपाईहरूसँग यो खुशीयाली बाँड्न पाउँदा गर्व गर्छौं । यस तीजलाई झन् विशेष बनाउन, हामीले चिनीरहित सफल सादा दही (सुगर फ्रि) ल्याएका छौं, जसले तपाईको उत्सवमा थप स्वाद र ताजगी ल्याउनेछ ।’

साथै, तीजको अवसरमा सम्पूर्ण नेपाली महिलाहरुलाई हार्दिक शुभकामना व्यक्त गर्दै यो पर्वले नारीशक्तिको सम्मान गर्दै जीवनमा प्रेम, एकता र समर्पणको भावना उजागर गर्ने जनाइएको छ । ‘सफल दही तपाईंहरूको यस महान पर्वमा सहभागी हुँदै तपाईंहरूको अटूट इच्छाशक्ति, समर्पण र संस्कृतिको कदर गर्दछ,’ अगाडि भनिएको छ, ‘यस पवित्र पर्वमा सफल दही तपार्इंहरूको जीवनमा सदा सुखशान्ति, र समृद्धि रहोस् । तपाईंहरूको तीज उत्सव हर्षोल्लासपूर्ण, स्वस्थ, र आनन्ददायक रहोस् तथा जीवनमा सदैव प्रेम, खुशी र समर्पणको भावना प्रवल रहोस् ।’