पोखरा । उपन्यासकार हृदयचन्द्रसिंह प्रधानद्वारा लिखित ‘एक चिहान’ उपन्यासमा आधारित नाटक पोखरा नाटकघरमा मञ्चनसहित अन्तक्र्रिया भएको छ ।

पोखरा आदर्श सेकेन्डरी स्कुलका कक्षा ११ र १२ का विद्यार्थी समावेश भएको उक्त कार्यक्रममा निर्देशक परिवर्तनले नाटकलाई कथावस्तु अनुकूल पात्र चयन गरी सकेसम्म पात्रगत चरित्रबाट न्याय दिन खोजिएको बताए । विद्यार्थीलाई यो नाटकमा कथावस्तुको सम्पूर्णता नभएकोले उपन्यास पढ्न समेत सुझाए ।

पोखरा आदर्श सेकेन्डरीका संचालक एवं सहप्राचार्य ज्ञानेश्वर सुवेदीले नाटकमा कलाकारको अभिनय पक्ष जीवन्त रहेको र आगामी दिनमा नाट्य विधातर्फ पोखरा थियटरको क्रियाशीलता अझै बढोस् भन्ने कामना गरे ।

रंगकर्मी एवं पोखरा आदर्श सेकेन्डरीका संचालक नारायण न्यौपानेले पठनपाठनका निम्ति पाठ्यपुस्तकमा समावेश गरिएको सैद्धान्तिक ज्ञानलाई अभिनयात्मक तवरबाट प्रस्तुत गरिएको सामग्री निकै रोचक र प्रभावकारी भएको बताए ।

कार्यक्रममा विद्यार्थीहरुले समेत नाटक उत्कृष्ट रहेको धारणा व्यक्त गरे ।