पोखरा, १९ भदौ । पोखरा १० स्थित श्रीकृष्ण मन्दिर संचालक समिति र श्रीकृष्ण मन्दिर आमा समूहको संयुक्त आयोजनामा बुधबार मन्दिर परिसरमा आयोजना भएको निःशुल्क दन्त शिविरबाट ७५ जना लाभान्वित भए ।

शिविरमा गण्डकी मेडिकल कलेजको सहयोग रहेको समितिका अध्यक्ष विश्व तण्डुकारले बताए ।

शिविरमा विद्यार्थीदेखि ज्येष्ठ नागरिकको समेत सहभागिता रहेको थियो ।

कलेजका डा. कृष्ण सुवेदी, डा. एन्जिला पुन, डा.संजीता ढकाल, डा.नमुना घिमिरे, डा.शंकृपा सिग्देल, डा. शिवु पोखरेलको सहभागिता रहेको थियो ।

कार्यक्रममा समितिका सचिव उत्तम गुरुङ, समूह उपाध्यक्ष गंगा हिताङ, श्रीकृष्ण मन्दिर ज्येष्ठ नागरिक मिलन केन्द्रका संयोजक सोना गुरुङ लगायतको सहभागिता थियो ।

संस्थाले चाडपर्वदेखि सामाजिक कार्यमा विभिन्न कार्यक्रमहरु गर्दै आएको अध्यक्ष तण्डुकारले जनाए ।