पोखरा । कोन सामुदायिक बचत तथा ऋण सहकारी, पोखरा १३ को शिक्षा उपसमिति आयोजनामा मंगलबार तीज विशेष कार्यक्रम सम्पन्न भयो ।

कार्यक्रममा वडा सदस्य सूचित तामाङले शेयर सदस्य उर्मिला बस्नेतलाई तीजको उपहार दिएर कार्यक्रम उद्घाटन गरिन् । उनले तीज कार्यक्रम मनाउँदा तडकभडक नगरी सरल तरिकाबाट मनाउन आग्रह गरिन् ।

सहकारी महाप्रबन्धक सुजता हमालले हरेक महिना धेरै थोरै पैसा बचत गर्दै जानाले भविष्यमा समास्यको गाँठो फुकाउन सजिलो हुने बताइन् । कार्यक्रममा चार सय जनालाई उपहार वितरण गरिएको थियो । कार्यक्रममा उत्कृष्ट नृत्य गर्ने विष्णु लामिछानेलाई महाप्रबन्धक हमालले मायाको चिनो वितरण गरे ।

सहकारी अध्यक्ष तीर्थबहादुर बस्नेतको अध्यक्षतामा भएको कार्यक्रममा शेयर सदस्य सकुन्तला गुरुङले पनि मन्तव्य व्यक्त गरेकी थिइन् । संचालक समिति सदस्य जसुदा गुरुङले ७ सिद्धान्त वाचन र सदस्य शारदा पराजुलीले स्वागत मन्तव्य तथा सदस्य एवं शिक्षा उपसमितिका संयोजक खड्कबहादुर गुरुङ (खुशीमान) ले सञ्चालन गरे ।