पोखरा । राम्जा–पोखरा सम्पर्क समाजको आयोजनामा तीज शुुभकामना आदानप्रदान कार्यक्रम भएको छ ।

पर्वतको राम्जा चित्रे, राम्जा देउराली, राम्जा तिलाहार र राम्जा पकुवाबाट पोखरा आई पोखरामा विभिन्न पेसाव्यवसाय गरी बस्दै आएकाहरुबीच उक्त कार्यक्रम भएको हो ।

कार्यक्रममा पूर्व सांसद एवं समाजका कानुनी सल्लाहकार कृष्णप्रसाद भट्टराई, समाजका सल्लाहकार नगेन्द्रराज पौडेल, पूर्व अध्यक्ष मीना तिमिल्सिना लगायतले शुुभकामना व्यक्त गरेका थिए । उनीहरु सबैले तीजको मौलिकता बचाइराख्नुपर्ने कुरामा जोड दिएका थिए । समाजकी अध्यक्ष धनेश्वरी पराजुलीको अध्यक्षतामा भएको कार्यक्रममा प्रमुख आतिथ्य सल्लाहकार आशाकुमारी गुरुङको थियो ।

कार्यक्रममा समाजका सहसचिव अर्जुन पौडेलले स्वागत र सचिव तोयनाथ तिमिल्सिनाले संचालन गरेका थिए । सो अवसरमा संस्थालाई आर्थिक सहयोग गर्ने चन्दादातालाई सम्मान गरिनुका साथै प्रमाणपत्र प्रदान गरिएको थियो ।