पोखरा । रजत जयन्ती अवसरमा मैत्रीपूर्ण खेल सफल पार्न सहयोग गर्ने सम्पूर्णमा नेपाल आदिवासी जनजाति पत्रकार महासंघ (फोनिज) गण्डकीले आभार व्यक्त गरेको छ ।

एक सन्देशमार्फत फोनिजले मुख्य प्रायोजक, संघसंस्था तथा व्यक्तिहरुलाई आभार प्रकट गरेको हो । गत २४ साउनमा पोखरा रंगशालामा पत्रकारबीच मैत्रीपूर्ण भलिबल र छेलो प्रतियोगिता भएको थियो ।

खेलकुद उपसमिति संयोजक अर्जुन गाहा ‘सुशान्त’ मगरले सहयोगप्रति आभार व्यक्त गर्दै आगामी दिनमा पनि निरन्तरताको विश्वास लिए । प्रतियोगिताको मुख्य प्रायोजक एमपिजी सोलुसन पोखरा १५, नयाँ गाउँ हो ।

मुख्य सहयोगी प्रदेश खेलकुद परिषद् गण्डकीले ट्रफी, मेडल, प्रमाणपत्र, साउण्ड सिस्टम र प्राविधिक सहयोग गरेको फोनिज गण्डकी अध्यक्ष रुद्र श्रीसमगरले बताए ।

पोखरा उद्योग वाणिज्य संघ, क्लब सिक्सटिन, युनाइटेड क्लब पोखरा, कञ्चन डिपार्टमेन्टल स्टोर्स, प्रोमिनेन्ट एजुकेशन कन्सल्टेन्सी, प्याडल नेपाल, पोखरा फुडल्याण्ड, लामा अमृत फाउण्डेशन घान्द्रुक, मोनालिसा पुजा पसल, गुरुङ ग्राफिक्स तथा पटवा टेन्ट हाउस सहयोगी थिए ।