पोखरा । मानव मिलन नारी जागरण नेपाल पोखराको १० औं वार्षिक साधारण सभा तथा छैटौं अधिवेशनले नयाँ कार्यसमिति चयन गरेको छ ।

अधिवेशनले मेनुका पोख्रेलको नेतृत्वमा ११ सदस्यीय कार्य समिति सर्वसम्मत चयन गरेको हो ।

उपाध्यक्षमा गीता लामिछाने, सचिव रुकमिणी खड्का, कोषाध्यक्ष शीला सिग्देल, सहसचिव लक्ष्मी पौडेल छन् । सदस्यमा विष्णु गैह्रे, उषा पौडेल, शोभा महत, प्रिया थापा, पूजा बस्नेत र सरिता पौडेल छन् ।
संस्थापक अध्यक्ष एवं सल्लाहकार सावित्री शर्मा संयोजक रहेको निर्वाचन समितिले नयाँ कार्यसमिति सर्वसम्मत् चयन गरेको हो । समितिको कार्यकाल २ वर्षको हुनेछ ।

सो अवसरमा संस्थाले विभिन्न व्यक्तिलाई सम्मान गरेको छ । सम्मानित हुनेमा संस्थाका पूर्व अध्यक्ष सविता बराल, सदस्य विष्णुमाया गुरुङ, लेखा परीक्षक पदमबन्धु पोख्रेल रहेको निवर्तमान अध्यक्ष रमा ढकालले बताइन् ।

कार्यक्रमको उद्घाटन पोखरा ७ का वडा अध्यक्ष राममोहन आचार्यले गरेका थिए ।

रमा ढकालको अध्यक्षतामा भएको कार्यक्रममा स्वागत मेनुका पोख्रेल र संचालन सचिव गीता लामिछानेले गरेकी थिइन् । प्रगति प्रतिवेदन सचिव गीता लामिछाने र कोषाध्यक्ष सचिव रुकमिणी खड्काले कोषाध्यक्षको प्रतिवेदन पेस गरेका थिए ।