पोखरा । गण्डकी प्रदेशमा नेकपा एमालेबाट ४ जना मन्त्री नियुक्त भएका छन् ।

मुख्यमन्त्री सुरेन्द्रराज पाण्डेले कास्कीका प्रकाशबहादुर केसी, नवलपुरकी पद्मा जिसी (श्रेष्ठ), बागलुङका कृष्ण पाठक र पर्वतका मित्रलाल बस्याललाई सोमबार मन्त्री नियुक्त गर्दै मन्त्रिपरिषद्लाई पूर्णता दिएका हुन् ।

उनीहरुको नेपाल पर्यटन बोर्डमा आयोजित समारोहमा पद तथा गोपनीयताको शपथ ग्रहणसमेत भयो । प्रदेश प्रदेश डिल्लीराज भट्टले मुख्यमन्त्रीको उपस्थितिमा पद तथा गोपनीयताको शपथ खुवाए ।

संघीय सरकारमा एमाले–कांग्रेसबीच सत्तागठबन्धनमा सहमतिको ठिक २ महिनापछि बल्ल गण्डकीमा सरकारको पुनर्गठन भएको हो । साविक ७ मन्त्रालय रहेकोमा आइतबार मन्त्रिपरिषद्को बैठकले मन्त्रालय फुटाएर ९ बनाउने निर्णय गरेको थियो । भागबण्डामा एमालेलाई ४ मन्त्रालय परेको थियो ।