लमजुङ । दुबईमा आयोजित तेस्रो टाइगर कप–२०२४ युएई कपमा लमजुङ एफसी च्याम्पियन बनेको छ । फाइनलमा मेची महाकाली क्लबलाई १–० गोलले पराजित गर्दै लमजुङ एफसी च्याम्पियन बनेको हो ।
विजेता लमजुङ एफसीले कपसहित ४ हजार ४ सय ४४ दिराम प्राप्त गरेको छ । उपविजेता मेची महाकाली क्लबले २ हजार २ सय २२ दिराम पाएको छ ।

नेपाल टाइगर क्लबद्वारा २ दिनसम्म चलेको प्रतियोगितामा युएईका विभिन्न राज्यबाट २४ टिमले भाग लिएका थिए ।

कुल ६ गोल गरेबापत लमजुङ एफसीका हेम आलेमगर (जिरे भाइ) ले सर्वाधिक गोलकर्ताको उपाधि जिते । लमजुङ एफसीकै कप्तान विशन श्रेष्ठले सर्वोत्कृष्ट खेलाडीको उपाधि पाए । सर्वोत्कृष्ट किप्परको उपाधि मेची–महाकालीका गोलकिपर दर्शन कँडेलले हात पारे । फेयर प्लेको अवार्ड भने युथ स्पोटिङ क्लबले हात पारेको आयोजकको भनाइ छ ।

उक्त खेलमा लमजुङ एपसीतर्फबाट कप्तान विशन श्रेष्ठ, पूर्व कप्तान अनिल गुरुङसहितको टिम सहभागी थिए । उक्त अवसरमा लमजुङ एफसीका टिम कोच मेकराशी गुरुङ (धन), टिम मेनेजर नरेश रिमाल, क्लबका संस्थापक मुक्ति गुरुङ, राजु घले, अर्जुनबहादुर गौली, विष्णुलाल श्रेष्ठ साथै मीनकुमारी (ममता) गुरुङ, विष्णु गुरुङ, रुपा गुरुङ, धन गुरुङ (घनपोखरा), तिमोती घले, पूनम तामाङ आले मगर, सुदिप गुरुङ, शर्मिला गुरुङ, मन्दीप गुरुङ, अमर बोहोरालगायत उपस्थित थिए ।